San Mateo 27:54 - Biblia Guarani Tumpa Iñee

⁵⁴ Jare cien sundaro vae juvicha Jesús re oyangareko oï vae jare jae ndive ñogüɨnoi vae reta oecha yave kërai ɨvɨ okana jare kërai opaete oyeapo vae, okɨɨye yae jare jei: —¡Añetete yepe, kuae kuimbae jae Tumpa Taɨ!

Nuevo Testamento Guaraní Pe

⁵⁴ Jare cien sundaro vae juvicha Jesús re omae oi vae jare jae ndive ñogüɨnoi vae reta oecha yave quirai ɨvɨ ocana jare opaete oyeapo vae, oquɨye yae jare jei: —Añete yepe, cuae cuimbae co jae Tumpa Taɨ.

San Mateo 27:54 ပူးပေါင်းရင်းမြစ်များ

San Mateo 26:63

Ërei Jesús mbaetɨ mbae jei. Jayave sacerdote reta itenondegua ete jei ye chupe: —Tumpa oikove vae jee re ere oreve, ¿nde pa ko jae Cristo, Tumpa Taɨ?

San Mateo 27:36

Jare oguapɨ reta oäro Jesús.

San Mateo 27:40

Jei reta: —Nde rere rembosururuta ko tupao jare remopüa yeta mboapɨ ara pe. Eyeepɨ. Nde ko jae Tumpa Taɨ yave, egüeyɨ kurusu güi.

San Mateo 27:43

Oyeko Tumpa re; toepɨ añave oaɨu yave. Echa jae jei: “Che ko jae Tumpa Taɨ.”

San Mateo 27:51

Jayave asoya tupao imboyaoa osoro mbɨte rupi ɨvate güi ɨ́vɨkotɨ. Jare ɨvɨ okana jare ita guasu reta oyeka.

San Mateo 4:3

Jayave aña guasu omomiari oyavɨuka vaerä chupe, jei: —Nde ko Tumpa Taɨ yave, ere kuae ita reta pe toyepoepɨ mbɨyaperä.

San Mateo 8:5

Jare Jesús ojo oväe tëta Capernaum pe yave, ou jae oïa pe metei cien sundaro vae juvicha omoñera vaerä.

San Marcos 15:39

Jare cien sundaro vae juvicha Jesús jóvai oyemboɨ oï vae oecha yave kërai osapúkai jare omano, jei: —¡Añetete yepe, kuae kuimbae jae Tumpa Taɨ!

San Lucas 22:70

Jare opaete jae reta oparandu chupe: —¿Jayave nde pa ko jae Tumpa Taɨ? Jesús jei chupe reta: —Pere ma ko pe reta etei.

San Juan 19:7

Judío reta jei Pilato pe: —Ore rogüɨnoi metei mborookuai, jare jókuae mborookuai rupi omanota ko. Echa jei iyeupe jae ko Tumpa Taɨ.

Hechos 10:1

Oiko Cesarea pe metei kuimbae Cornelio jee vae. Jae ko cien sundaro vae juvicha, metei atɨ Italiaɨgua jee vae juvicha.

Hechos 2:37

Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe: —Tëtara reta, ¿mbae pa royapota?

Hechos 21:32

Jupiveiño jae osɨi ou yatɨ vae reta kotɨ sundaro reta jare cien sundaro vae juvicha reta ndive. Jare tëta guasu pegua reta oecha yave sundaro reta jare juvicha, mbaetɨ ma okua Pablo re.

Hechos 23:17

Jayave Pablo oenɨi cien sundaro vae juvicha jare jei chupe: —Eraja kuae kunumi sundaro jeta vae juvicha pe. Echa oipota mbae omombeu chupe.

Hechos 23:23

Jayave sundaro jeta vae juvicha oenɨi mókoi cien sundaro vae juvicha oyupavo vaerä dosciento sundaro reta, jare setenta sundaro kavayu regua reta, jare dosciento sundaro imii regua reta, yogüɨraja vaerä Cesarea pe chau ora ma pɨ̈tu yave.

Hechos 27:1

Jare mburuvicha reta oyemongeta ma oremondo vaerä ɨvɨ Italia pe yave, omee reta Pablo jare amogüe ïru tembipɨɨ reta cien sundaro vae juvicha Julio jee vae pe. Jae ko metei atɨ Augusto jee vae juvicha.

Hechos 27:43

Ërei cien sundaro vae juvicha oipota oepɨ Pablo ramo, jei sundaro reta pe agüɨye vaerä oyuka reta. Oyókuai ipuere oɨtai vae reta räri oa vaerä ɨ pe, yogüɨraja vaerä oväe ɨvɨ pe.

Romanos 1:4

Ërei jae oyekuaa Tumpa Taɨ imbaepuere yae vae Espíritu Santo rupi. Jókuae oyekuaa, oikove ye yave omanogüe reta ipɨte güi.

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.