San Mateo 27:38 - Biblia Guarani Tumpa Iñee

³⁸ Jare sundaro reta oikutu vi kurusu re mókoi imonda vae Jesús ndive; metei iyakatu kotɨ jare ïru iyasu kotɨ.

Nuevo Testamento Guaraní Pe

³⁸ Jare sundaro reta oicutu vi mócoi imonda vae reta, jare oñono metei Jesús iyacatu cotɨ jare iru iyasu cotɨ.

San Mateo 27:38 ပူးပေါင်းရင်းမြစ်များ

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

San Mateo 27:37

Jare oñono reta kurusu re Jesús iñäka iárambo oyekuatía mbae re ko oyemboeko vae: “KUAE KO JESÚS, JUDÍO RETA JUVICHA GUASU.”

San Mateo 27:39

Jare oasa vae reta oñeäkambovava reve jei ikavimbae vae Jesús kotɨ.

San Mateo 27:44

Jare imonda vae reta Jesús ndive oyekutuuka vae jei reta vi ikavimbae vae chupe.

San Marcos 15:27

Jare sundaro reta oikutu vi kurusu re mókoi imonda vae reta Jesús ndive, metei iyakatu kotɨ jare ïru iyasu kotɨ.

San Lucas 22:37

Echa che jae peve, oyeapotai ko cheve Tumpa Iñee pe oyekuatía oï cheré vae. Echa jei körai: “Oyepapa iyoa vae reta ndive.” Echa oyekuatía oï cheregua vae, oyembopota ko.

San Juan 19:18

Joko pe oikutu reta Jesús kurusu re. Oikutu reta vi ïru mókoi kuimbae reta iyɨke yɨke pe. Jesús oï mbɨte pe.