San Mateo 27:19 - Biblia Guarani Tumpa Iñee

¹⁹ Jare Pilato oguapɨ yave oï morojäa pe, jembireko ombou jei chupe: “Agüɨye eyapo mbae jókuae kuimbae jupi vae pe. Echa apaɨu kaviä yae jae jeko pegua.”

Nuevo Testamento Guaraní Pe

¹⁹ Jare Pilato oguapɨ oi yave ojaa vaera Jesús, jembireco ombou quia jei vaera chupe: —Agüɨye eyapo mbae jocuae cuimbae jupi vae pe. Echa aiporara yae pɨare chepaɨu pe jae jeco pegua.

San Mateo 27:19 ပူးပေါင်းရင်းမြစ်များ

GÉNESIS 31:11

Jare cheke pe Tumpa iAraɨgua chereenɨi, jare che jae chupe: ‘Ko aï cheYa.’

GÉNESIS 31:24

Ërei Tumpa ou jókuae pɨ̈tu Labán Aram pegua ike pe, jare jei chupe: “Eyeandu, agüɨye nemiari Jacob pe jasɨ katu rupi.”

GÉNESIS 31:29

Anoi mbaepuere ayapo vaerä ndeve ikavimbae, ërei nderu iTumpa pɨare chemomiari: “Eyeandu, agüɨye nemiari Jacob pe jasɨ katu rupi.”

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

San Mateo 1:20

Ërei kuae re oyemongeta ramboeve, metei araɨgua yandeYa pe oyeokuai vae oyekuaa chupe ipaɨu pe jare jei chupe: “José, David iñemuña pegua. Agüɨye eipoɨu emenda María ndive. Echa ipurúa ko Espíritu Santo imbaepuere rupi.

San Mateo 2:19

Ërei Herodes omano ma yave, José Egipto pe oï ramboeve, metei yandeYa iaraɨgua oyekuaa José pe ipaɨu pe.

San Mateo 2:22

Ërei oikuaa Arquelao ko oï mburuvicha guasurä Judea pe tu Herodes jekovia pe yave, José okɨɨye ojo vaerä Judea pe. Ërei Tumpa omombeu José pe ipaɨu pe ojo vaerä ɨvɨ Galilea pe. Jáeramo jokotɨ ojo.

San Mateo 27:18

Echa jae oikuaa judío reta omee Jesús chupe iyakatúä jese ramo.

San Mateo 27:24

Jare Pilato oecha yave mbaetɨ ipuere mbae oyapo, echa judío reta jeiete osapúkai. Jare jei güeru vaerä chupe ɨ javoi oyepoe yatɨ vae reta jóvai, jei reve chupe reta: —Che mbaetɨ anoi teko kuae kuimbae jupi vae imano re. Perei ma ko oï.

San Mateo 27:4

jei reve: —Ayapo mbaeyoa. Amee ramboeve peve jókuae kuimbae jekombae vae Jayave jae reta jei chupe: —¡Jókuae mbaeä ko oreve! ¡Nderei ma ko oï!

San Lucas 23:41

Jupi ko yande ñamano vaerä. Echa yande ñamanota ñaï ikavimbae vae yayapo jeko pegua. Ërei kuae kuimbae mbaetɨ etei oyapo mbae ikavimbae.

San Lucas 23:47

Jare cien sundaro vae juvicha joko pe oï vae oecha kuae oasa yave omboete Tumpa, jei reve: —Añetete yepe, kuae kuimbae jae jupi vae.

San Juan 19:13

Pilato kuae oendu yave, güɨnoe Jesús jare oguapɨ mburuvicha jenda pe; Enlosado jee vae pe (kuae ko jee Gabata hebreo iñee pe).

Hechos 12:21

Jare Herodes oiparavo metei ara imiari vaerä chupe reta. Jayave jókuae ara Herodes oyemonde kavi temimonde mburuvicha pegua pe, oguapɨ mburuvicha iporojäa renda pe jare oñemoñee chupe reta.

Hechos 18:12

Ërei Galión jee vae oiko mburuvicharä ɨvɨ Acaya pe yave, judío reta oñemopüa metei rami Pablo kotɨ, jare güɨraja morojäa renda pe,

Hechos 18:16

Jayave Galión opa omoë reta morojäa renda güi.

Hechos 18:17

Jayave griego reta oipɨɨ judío reta itupao pegua itenondegua Sóstenes jee vae, jare okua jese morojäa renda jóvai. Ërei Galión mbaetɨ etei oyemoambeko jese.

Hechos 25:10

Ërei Pablo jei chupe: —Cesar ko neñono reporojäa vaerä, ikavi ko nde chejäa kuae pe. Ayapoä etei mbae ikavimbae judío reta kotɨ. Nde etei reikuaa rami.

Hechos 25:17

Jáeramo jae reta yogüeru oväe yave, mbaetɨ aäro. Jókuae pɨareve pe voi aguapɨ aporojäaa pe jare aruruka jókuae kuimbae.

Hechos 25:6

Festo opɨta Jerusalén pe juri ani payandepo ara rupi güire ou ye Cesarea pe. Jayave pɨareve pe oguapɨ oporojäaa pe, jare omondo güeruruka Pablo.

1 Pedro 2:22

echa Cristo mbaetɨ etei iyoa. Mbaetɨ etei oporombotavɨ.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.