San Mateo 25:34 - Biblia Guarani Tumpa Iñee

³⁴ Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

Nuevo Testamento Guaraní Pe

³⁴ Che co jae Mburuvicha Guasu. Jaeta cheacatu cotɨ ñogüɨnoi vae reta pe: Peyu peico mboroocuaia ɨvɨ oyeapo güive oñemocatɨro peve vae pe. CheRu pemovendise ma —jaeta, jei—.

San Mateo 25:34 ပူးပေါင်းရင်းမြစ်များ

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

PROVERBIOS 11:17

Iporoparareko vae, ikavi vae ko oyapo iyeupeguarä, ërei ipɨa-pïrimbae, iyeupeguaräño ko oyapo ikavimbae.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

DANIEL 9:25

Nde eikuaa kavi kuae: Jókuae mborookuai oñemee oñemopüa ye jare oñeñono kavi ye vaerä Jerusalén güive, oväe regua Mesías, oasata chiu semana, jare sesenta y dos semana; Jerusalén ikaye reta jare ikësea reta oñemopüa ye yave mbɨatɨtɨ yaeta jókuae ara rupi.

SOFONÍAS 3:15

YandeYa Tumpa ombosɨrɨ ndegüi iporojäa, opa oekɨ omombo ndegüi nderovaicho reta. Echa yandeYa Tumpa ndeRuvicha guasu ko oï nde ndive; ngaraa ye ma reecha ikavimbae.

San Mateo 13:35

oyembopo vaerä ñeemombeúa jei vae. Echa jei körai: “Chemiarita ambojaanga reve. Amombeuta ɨvɨ oyeapo güive oyekuaambae vae.”

San Mateo 19:29

Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

San Mateo 20:23

Jare Jesús jei chupe reta: —Añete pe reta peiporarata che aiporarata vae. Ërei mbaetɨ chepuere jae peve peguapɨ vaerä cheɨpɨ pe. Echa cheRu ko omokätɨro ma joko pe oguapɨta vae reta peguarä.

San Mateo 21:5

“Pemombeu Sión pegua reta pe: ‘Mase, peRuvicha Guasu ou pekotɨ. Oñemomichi vae. Opo ou mburika kuimbae taɨrusu vae re, mburikamí imembɨ re.’ ”

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Mateo 25:23

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Mateo 25:40

Jayave che Mburuvicha guasu jaeta chupe reta: ‘Opaete peyapo kuae cherɨvɨ reta michi vae pe vae, peyapo ko cheve etei.’

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 27:37

Jare oñono reta kurusu re Jesús iñäka iárambo oyekuatía mbae re ko oyemboeko vae: “KUAE KO JESÚS, JUDÍO RETA JUVICHA GUASU.”

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 5:19

Oime yave kia metei mborookuai güi mbaeä eteiecha vae mbaetɨ oyapo, jare jökorai oporomboe yave, michi yaeta ko opɨta araɨgua mborookuaía pe. Ërei oime yave kia oyapo jare oporomboe jese vae, tuicha yaeta ko araɨgua mborookuaía pe.

San Marcos 10:17

Jare Jesús jaema ojo yave, metei osɨi ou ikotɨ, jare oyetavatɨka Jesús jóvai jei reve: —Oporomboe vae, jupi vae, ¿mbae pa chepuere ayapo anoi vaerä tekove opambae vae?

San Marcos 10:40

ërei mbaetɨ chepuere jae peve peguapɨ vaerä cheɨpɨ pe. Echa Tumpa omokätɨro ma joko pe oguapɨta vae reta peguarä.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Lucas 11:50

Jare pe reta añave peiko vae penoita teko opaete ñeemombeúa reta ɨvɨ oyeapo güive oyeyukauka vae imano re.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Lucas 19:38

jei reta reve: —¡Toyemboeteuka yandeRuvicha guasu yandeYa jee re ou vae! ¡Mbɨakatu toï ara pe! ¡Ara pegua reta tomboete Tumpa!

San Juan 1:49

Jayave Natanael jei chupe: —Oporomboe vae. ¡Nde ko jae Tumpa Taɨ. Nde ko jae Israel pegua reta Juvicha guasu!

San Juan 12:13

Oipɨɨ reta karandaɨ joo yogüɨraja oövaiti vaerä Jesús, jare osapúkai reve jei reta: —¡Hosanna! Toyemboeteuka yandeYa jee re ou vae, Israel Juvicha guasu.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

San Juan 19:15

Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

Hechos 15:18

Che peYa aikuaauka kuae arakae güive vae, jae körai.”

Hechos 3:26

Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

1 Corintios 15:50

Cherɨvɨ reta ërei kuae jae peve: Yanderete ɨvɨ pegua ngaraa oike Tumpa iporookuaía pe. Jaeramiño vi mbae oikomegua vae ngaraa oike oikomeguambae oïa pe.

1 Corintios 2:9

Ërei oyekuatía oï: “Mbaetɨ kia oecha jare mbaetɨ kia oendu vae, mbaetɨ vi kia oyemongeta jese vae, jókuae mbaembae omokätɨro ma Tumpa oaɨu vae reta pe vae.”

1 Corintios 6:9

¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta,

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

Efesios 5:5

Echa pe reta peikuaa ko metei ave aguasa oyapo vae, ani ikɨa Tumpa jóvai vae, ani imbae potarai vae (kuae ko itumpa-raanga pota vae reta) ngaraa yogüɨreko Cristo jare Tumpa iporookuaía pe.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

2 Timoteo 2:12

Yaiporara yave, jae ndive yaporookuaita vi. Yaikuaku yave, jae vi yandekuakuta.

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Hebreos 11:16

Ërei oipota reta tëta ikavi yae vae jókuae güi. Oipota reta tëtaguasu ara pegua. Jáeramo Tumpa mbaetɨ oñerenoi oiko vaerä jae reta iTumparä, echa omokätɨro chupe reta metei tëtaguasu.

Hebreos 4:3

Jare yande yarovia Tumpa vae yaupitɨ jókuae mbutuu, Tumpa jei rami: “Jáeramo, chearasɨ reve jae: Mbaetɨta oike reta mbutuu ameeta vae pe.” Yepe tëi Tumpa opa oyapo iparavɨkɨ, ɨvɨ opa oyapo güive.

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

1 Pedro 1:9

jökorai peyemboasauka, echa perovia jese.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.

Apocalipsis 5:10

oreapo mburuvicha guasu retarä, sacerdote retarä ñaneTumpa pe. Jare roporookuaita ɨvɨ pe.”