San Mateo 24:9 - Biblia Guarani Tumpa Iñee

⁹ Jayave ïru vae reta pemeeta oiporaraukata peve vae reta ipo pe, peyeyukaukata jare peñemotareɨukata opaete vae reta pe chereko pegua.

Nuevo Testamento Guaraní Pe

⁹ Jayave iru vae reta pemoeterengata oiporaraucata peve vae reta pe, jare peyeyucaucata. Jare peñemotareɨucata opaete vae pe chereco pegua —jei—.

San Mateo 24:9 ပူးပေါင်းရင်းမြစ်များ

PROVERBIOS 29:27

Jupi vae reta güɨröɨro kuimbae jeko kavimbae reta, jare jupimbae güɨröɨro kuimbae sɨmbi rupi oiko vae.

DANIEL 11:33

Tëta guasu pegua yarakuaa vae reta omboeta jeta vae; ërei jaɨkue rupi omano retata kɨsepuku pe, oapɨ retata, opɨ̈rota chugüi reta opaete mbae güɨnoigüe jare opata güɨraja reta tembipɨɨrä ïru ɨvɨ pe. Kuae oikota mbovɨ año rupi.

San Mateo 22:6

Jare ïru reta oipɨɨ mburuvicha guasu jembiokuai reta, oyapo ikavimbae vae chupe reta jare oyuka reta.

San Mateo 23:34

Jáeramo ambouta peve ñeemombeúa reta, yarakuaa vae reta jare cheporookuai re oporomboe vae reta. Ërei peyukata, amogüe peyukata kurusu re, amogüe peinupata chikote pe petupao reta rupi jare peaɨkuemoña retata tëta guasu ñavo rupi.

San Lucas 11:49

Jáeramo, Tumpa iyarakuaa katu rupi jei: ‘Amondota peve cheñeemombeúa reta jare cheremimondo reta; jare chugüi reta amogüe oyukata jare ïru vae pe oyapota ikavimbae vae.’

San Lucas 21:12

Ërei ndei kuaekuae reta oasa mbove, ïru vae reta pepɨɨta jare oyapota ikavimbae vae peve, pereraja retata itupao reta pe jare peñonota tembipɨɨrɨru pe, jare pererajata mburuvicha guasu reta jare ïru mburuvicha reta jóvai chereko pegua.

San Juan 15:18

Ɨvɨ pegua reta pemotareɨ yave, pemaendúa che räri ko chemotareɨ reta pegüi.

San Juan 15:21

Ërei opaete kuae mbaembae oyapo retata peve cheré perovia ramo. Echa jae reta mbaetɨ oikuaa chembou vae.

San Juan 16:2

Judío reta pemombota itupao reta güi. Jare oväeta ara, jókuae peyuka vae reta güɨroviata Tumpa pe ko oyeokuai.

Hechos 28:22

Ërei roipota roikuaa ndegüi etei mbae ra reyemongeta vae. Echa roikuaa opaete rupi jërakua ikaviä ko kuae mboromboe.

Hechos 7:59

Jare oyapi reta ramboeve, Esteban oyerure jei: “CheYa Jesús, eraja cherekove.”

1 Pedro 4:16

Ërei peiporara yave Cristo re perovia jeko pegua, agüɨye pemara, jaeño pemboete Tumpa jókuae re.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 2:13

‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.