San Mateo 24:7 - Biblia Guarani Tumpa Iñee

⁷ Echa opüata oyoe tëtaguasu ïru tëtaguasu ndive jare mborookuaía ïru mborookuaía ndive, jare oimeta mbaerasɨ ovakatu vae, karuai reta jare ɨvɨkana oipota rupi.

Nuevo Testamento Guaraní Pe

⁷ Metei ɨvɨ pegua reta oñorarota ambué ɨvɨ pegua reta ndive, jare mburuvicha reta oñorarota iru mburuvicha reta ndive. Jare oimeta caruai reta jare ɨvɨ ocanata jeta que rupi —jei—.

San Mateo 24:7 ပူးပေါင်းရင်းမြစ်များ

2 CRÓNICAS 15:6

Metei tëta omokañɨtei ïru ɨvɨ pegua tëta, jare tëta guasu ïru tëta guasu, echa Tumpa oiporarauka chupe reta oipotagüe mbaesusere rupi.

ISAÍAS 19:2

“Egiptoɨgua reta amoñoraroukata oyoupii: Metei ñavo oñorarota jëtara ndive, metei ñavo oñorarota japicha ndive, metei tëta guasu opüata ïru tëta guasu re, metei mborookuaía opüata ïru mborookuaía re.

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 21:27

Opata amboaiasɨ yeyé aeya tëtagüerä. Ërei kuae oyeapota ou yave jókuae ambouta vae, oyapo vaerä jupi vae.

ZACARÍAS 14:13

Jókuae ara rupi, yandeYa ombouta kɨɨye yavaetegüe, metei ñavo okɨɨyeta oyougüi aeño jare opüata oyoe aeño.

San Lucas 21:11

Oimeta ɨvɨkana tuichagüe. Oimeta karuai reta jare mbaerasɨ reta oipota rupi; oimeta kɨɨye jare mbaembae yavaetegüe oyekuaa ara re.

Hechos 11:28

Jare metei chugüi reta Agabo jee vae opüa oyemboɨ, jare jei Espíritu Santo rupi oimeta ko karuai guasu opaete ɨvɨ rupi. Kuae oyembopo mburuvicha guasurä Claudio oiko yave.

Hechos 2:19

Jare ayapota mɨakañɨ reta tuichagüe ara re, jare ɨvɨ re mɨakañɨ reta: Oimeta tugüɨ, tata jare tätatina.

Hebreos 12:27

Jókuae “metei vese ye” jei vae oipota jei, Tumpa oekɨta ipuere okana vae reta, jae oyapogüe reta, opɨta vaerä jókuae ipuerembae oñemomɨi vae reta.

Apocalipsis 6:12

Jare aecha Vecha kuimbae taɨrusu vae oipea tembikuatía imboyaa ovaa yave, ɨvɨ täta okana. Jare kuaraɨ oyembopɨtumimbi metei tarapo jüu vae rami, jare yasɨ moropɨ̈ta tugüɨ rami,

Apocalipsis 6:5

Jare Vecha kuimbae taɨrusu vae oipea tembikuatía imboyaa mboapɨa yave, aendu mboapɨa oikove vae jei: “Eyu”, jare aecha metei kavayu jüu vae. Jare opo kavayu re vae güɨnoi ipo pe mbaejäaka.

Apocalipsis 6:6

Jare aendu ñee jókuae irundɨ oikove vae reta ipɨte pe jei: “Metei kilo trigo jepɨ metei denario, jare mboapɨ kilo cebada jepɨ metei denario. Ërei agüɨye erokomegua asaite jare vino.”

Apocalipsis 6:8

Amae jare aecha metei kavayu iyu vae. Jare opo kavayu re vae jee ko Mano. Jare Omanogüe reta jenda oiko Mano jaɨkue. Jare oñemee chupe reta mbaepuere jeta yeyé ɨvɨ pegua reta re, ipuere vaerä oyukauka reta ñeraro rupi, karuai pe, mbaerasɨ pɨ̈chɨi pe jare mɨmba pochɨ vae reta pe.