San Mateo 24:51 - Biblia Guarani Tumpa Iñee

⁵¹ Iya oiporarauka yaeta chupe jare omondota oiko vaerä opaete ïru jova mókoi vae reta ndive. Joko pe oyaeota jare jäi ombokɨrɨrɨuta.

Nuevo Testamento Guaraní Pe

⁵¹ Jayave iya oiporarauca yaeta chupe jare omondota oico vaera opaete iru oporombotavɨ vae reta ndive. Joco pe jae reta oyaeota jare jai omboquɨrɨrɨuta —jei—.

San Mateo 24:51 ပူးပေါင်းရင်းမြစ်များ

JOB 20:29

Jae ko kuae Tumpa omokätɨro iyoa vae pe vae; chupeguarä jei kuaekuae.

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

JEREMÍAS 13:25

Jae ko kuae oikota nde ndive vae Israel, amboepɨukata ndeve reyapogüe. Che ndeYa jae. Echa neakañɨ chegüi jare remboete tumpa-raanga reta.

San Mateo 22:13

Jayave mburuvicha guasu jei jembiokuai reta pe: Peipokua jare peraja pemombo oka pe pɨtumimbía pe. Joko pe toyaeo jare jäi tombokɨrɨrɨu.

San Mateo 24:50

Jare iya ou yeta oväe jókuae tembiokuai oäroä jare oyangarekoä etei oï yave.

San Mateo 25:30

Jare pemombo kuae cherembiokuai oyeokuai kaviä cheve vae oka pe pɨtumimbi oïa pe. Joko pe toyaeo jare jäi ombokɨrɨrɨuta.’

San Mateo 8:12

Ërei mborookuaía pe yogüɨrekota tëi vae reta oyemomboukata pɨtumimbi pe ikatu pe. Joko pe oyaeo retata jare jäi ombokɨrɨrɨuta.

San Lucas 12:46

Jare iya ou yeta oväe jókuae tembiokuai oäroä jare oyangarekoä etei oï yave, iya oiporarauka yaeta chupe jare omondota oiko jupimbae reta ndive.

San Lucas 13:28

Jayave peyaeota jare peräi pembokɨrɨrɨuta. Peecha yave Abraham, Isaac, Jacob jare opaete ñeemombeúa reta Tumpa iporookuaía pe ñogüɨnoi. Ërei pe reta ikatu pe peïta.