San Mateo 24:5 - Biblia Guarani Tumpa Iñee

⁵ Echa yogüeruta jeta cheree re jei reve: “Che ko jae Cristo.” Jare jeta yae ko ombotavɨta vae.

Nuevo Testamento Guaraní Pe

⁵ Echa yogüeruta jeta cheree pe oñembojeeta vae reta. Jae reta jeita: Che co jae Cristo. Jare ombotavɨta jeta vae —jei—.

San Mateo 24:5 ပူးပေါင်းရင်းမြစ်များ

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 23:21

“Che mbaetɨ ko ayókuai jókuae ñeemombeúa reta, ërei jae reta yogüɨrajaño; kërai ave mbaetɨ chemiari chupe reta, ërei jae reta omoërakua mbae maratuta vae.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

JEREMÍAS 37:9

Che, peYa amombeu peve: Agüɨye peyombotavɨ pe aeño jare pere: ‘Caldeaɨgua reta jaema ko opa yogüɨraja yandegüi.’ Echa mbaetɨta ko jökorai.

San Mateo 24:11

Jare jeta ñeemombeuaraanga reta oñemopüata, jare jeta yae ko ombotavɨta vae.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Juan 5:43

Che ayu cheRu jee re, ërei pe reta mbaetɨ chemboresive. Ïru vae ou yave jee re aeño, pemboresive.

San Juan 8:24

Jáeramo jae peve pemanota peyoa pe. Echa mbaetɨ perovia chere CHE KO vae yave, pemanota ko peyoa pe.

San Juan 8:28

Jesús jei chupe reta: —Che Kuimbaerä ayeapo vae pe reta chereupi ma kurusu re yave, chekuaata CHE KO vae. Jare mbaetɨ mbae ayapo cheyeugüi aeño vae, jaeño cheRu chemboe vae rupiño chemiari.

1 Juan 2:18

Cheraɨ aaɨu vae reta, oväe ara taɨkuegua. Peendu kërai Cristo re oyemboyovaicho vae oime ou, ërei añave oime ñogüɨnoi jeta Cristo re oyemboyovaicho vae reta. Jáeramo yaikuaa ou ma ko oväe ara taɨkuegua.

1 Juan 2:22

Oime yave kia “Jesús jaeä ko Cristo” jei vae, jae ko iyapu vae. Oime yave kia mbaetɨ güɨrovia yandeRu Tumpa jare Taɨ re vae, jae ko Cristo re oyemboyovaicho vae.

1 Juan 4:3

Ërei opaete vae omombeu Jesucristo mbaetɨ ko oyeapo kuimbaerä vae yave, mbaetɨ ko ou Tumpa güi. Jókuae jae ko Cristo re oyemboyovaicho vae iespíritu, jae ko pe reta peikuaa outa vae, jare añave oime ma oï ɨvɨ pe.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.