San Mateo 24:30 - Biblia Guarani Tumpa Iñee

³⁰ Jare oyekuaata mbae ara re che Kuimbaerä ayeapo vae ayu ye chembaepuere reve jare cheyemboetea yae reve yave. Jare opaete ñemuña reta Israel pegua ipɨatɨtɨta chereecha ayu amapɨtu re yave.

Nuevo Testamento Guaraní Pe

³⁰ Jayave mbae oyecuaata ara re. Jocuae oicuaucata ɨvɨ pegua reta pe che cuimbaera ayeapo vae ayu yeta co. Jayave opaete atɨ Israel pegua reta ipɨatɨtɨta jare cherechata ayu amapɨtu reta reve. Che cuimbaera ayeapo vae anoita mbaepuere tuicha vae jare añemboeteucata opaete vae pe —jei—.

San Mateo 24:30 ပူးပေါင်းရင်းမြစ်များ

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

ZACARÍAS 12:11

Jókuae ara Jerusalén pe oimeta mbɨatɨtɨ tuichagüe, ɨvɨtɨ päu Meguido jee vae pe mbɨatɨtɨ tumpa-raanga Hadad-rimón re oyeapo rami.

San Mateo 24:3

Jesús oguapɨ oï ramboeve ɨvɨtɨ Olivo pe, jemimboe reta oyakatu jese jae retaño ñogüɨnoi yave: —Emombeu oreve, ¿kërai yave pa kuae oyeapota?, jare ¿këraita pa roikuaa reyu yeta ma vae regua jare kañɨtei regua?

San Mateo 24:37

Noé oiko yave ɨvɨ pegua reta ndive oasa rami. Jökoraita che Kuimbaerä ayeapo vae ayu ye yave.

San Mateo 24:39

Jare mbaetɨ oikuaa reta, oväe regua ɨporu guasu. Jare opa oyuka reta. Jökoraita ko che Kuimbaerä ayeapo vae ayu ye yave.

San Mateo 26:64

Jayave Jesús jei chupe: —Rere ma ko. Ërei jae yeta vi peve, che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re ara güi.

San Marcos 13:26

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

San Marcos 13:4

—Emombeu oreve, ¿kërai yave pa kuae oyeapota? Jare opaete kuae oyeapota ma yave, ¿këraita pa roikuaa?

San Lucas 21:27

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

San Lucas 22:69

Ërei che Kuimbaerä ayeapo vae añave güive aguapɨ Tumpa imbaepuere vae iyakatu kotɨ.

Hechos 1:11

Kuae reta jei chupe reta: —Kuimbae Galileaɨgua reta, ¿maera pa pemae peï ara kotɨ? Kuae Jesús oyereraja pegüi ara pe vae, jae etei ko ou yeta peecha ojo ara pe rami.

2 Tesalonicenses 1:7

jare pe reta peiporara vae jae omeeta peve mbutuu ore ndive, yandeYa Jesús oyekuaa ara güi yave imbaepuere pegua araɨgua reta ndive.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 12:1

Jare oyekuaa ara re mbae tuichagüe, jae ko: Metei kuña kuaraɨ pe oyemonde rami, jare oyemboɨ oï yasɨ iárambo, jare iñäka re äka-regua doce yasɨtata güɨnoi vae.