San Mateo 24:24 - Biblia Guarani Tumpa Iñee

²⁴ Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

Nuevo Testamento Guaraní Pe

²⁴ Amogüe oporombotavɨ vae reta jeita: Che co jae Cristo, jare iru oporombotavɨ vae reta jeita: Che co jae Tumpa iñee omombeu vae. Jare jae reta oyapota mɨacañɨ reta, ombotavɨ vaera tei Tumpa oiparavogüe vae reta —jei—.

San Mateo 24:24 ပူးပေါင်းရင်းမြစ်များ

ISAÍAS 9:15

(Iñäka ombojaanga ko tenondegua reta jare mburuvicha reta re, juguai ombojaanga ko ñeemombeúa reta oporomboe apu re vae reta re.)

San Mateo 22:14

Echa jeta ko oñeenɨi vae, ërei mbovɨño oyeparavo vae.”

San Mateo 24:11

Jare jeta ñeemombeuaraanga reta oñemopüata, jare jeta yae ko ombotavɨta vae.

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Mateo 24:25

Mase, amombeu kavi voi ma ko aï peve kuae, ndei oyeapo mbove.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Mateo 24:5

Echa yogüeruta jeta cheree re jei reve: “Che ko jae Cristo.” Jare jeta yae ko ombotavɨta vae.

San Mateo 7:15

Peyeandu ñeemombeúa jaanga reta güi. Oyemonde yogüeru pekotɨ vecha reta rami vae, ërei iyɨvɨte ko aguarayaɨmba pochɨ yae vae rami.

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

San Lucas 18:7

Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

San Juan 4:48

Jayave Jesús jei chupe: —Mbaetɨ aechauka peve mɨakañɨ reta yave, ngaraa perovia cheré.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

San Juan 6:39

Jare cheRu chembou vae jemimbota ko jae, mbaetɨ vaerä amokañɨ metei ave jae omee cheve vae reta, jare amoingove ye vaerä omanogüe vae ara taɨkuegua pe.

Hechos 20:16

Echa Pablo ikɨ̈reɨ oasa güɨrave Efeso güi, agüɨye vaerä opɨta Asia pe. Echa jae ikɨ̈reɨ oï Jerusalén pe Pentecostés iara pe, ipuere yave.

Romanos 12:18

Pepuere rupi peiko kavi mbɨakatu rupi opaete vae ndive.

Gálatas 4:15

¿Jama pa jókuae yerovia penoi yepi vae? Echa chepuere jae peregua kuae: Pepuere yave mona, peekɨta ko viña peresäɨ peyeugüi, pemee vaerä cheve.

DEUTERONOMIO 13:1

Oyekuaa yave pepɨte pe ñeemombeúa ani ipaɨu katu vae, jare omoërakua yave maratuta vae ani mɨakañɨ,

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

2 Pedro 3:17

Jáeramo cherɨvɨ aaɨu vae reta, peikuaa voi ma kuae mbaembae reta ramo peyeandu, agüɨye peyererajauka ikavimbae vae oyapo vae reta pe, jare pea peporogüɨrovia pe täta ma peï vae güi.

1 Juan 2:18

Cheraɨ aaɨu vae reta, oväe ara taɨkuegua. Peendu kërai Cristo re oyemboyovaicho vae oime ou, ërei añave oime ñogüɨnoi jeta Cristo re oyemboyovaicho vae reta. Jáeramo yaikuaa ou ma ko oväe ara taɨkuegua.

1 Juan 2:22

Oime yave kia “Jesús jaeä ko Cristo” jei vae, jae ko iyapu vae. Oime yave kia mbaetɨ güɨrovia yandeRu Tumpa jare Taɨ re vae, jae ko Cristo re oyemboyovaicho vae.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.