San Mateo 23:23 - Biblia Guarani Tumpa Iñee

²³ ¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

Nuevo Testamento Guaraní Pe

²³ Pe reta co jae mboroócuai re oporomboe vae reta jare fariseo reta. Peiporarata co. Pe reta co jae oporombotavɨ vae reta. Echa pemee Tumpa pe diezmo caavo reta penoi vae güi. Erei cuae michi yae. Mboroócuai jei peve peyapo vaera jeta yae cuae güi. Echa jei peve peyapo vaera jupi vae jare peporoparareco vaera jare peporogüɨrovia vaera. Mbaeti peyapo opaete cuae. Icavi co pemee vaera Tumpa pe jocuae nunga diezmo. Erei peyapota tei jupi vae jare peporopararecota tei jare peporogüɨroviata tei —jei—.

San Mateo 23:23 ပူးပေါင်းရင်းမြစ်များ

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

ISAÍAS 28:25

Opa güire ombosɨmbi kavi iko, ¿mbaetɨ pa omoai temitɨ eneldo jee vae jäɨ jare comino jäɨ, ani trigo ombojɨsɨ kavi oñotɨ, javoi cebada jare avena oñotɨ jembeɨ rupi?

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

OSEAS 6:6

Echa aipota cheraɨu avei, aipota peikuaa kavi cheregua, mɨmba oyeyukagüe pemee cheve vae güi; mbaetɨ aipota mɨmba oyeyukagüe opaetei oyeapɨ vaeño.

LEVÍTICO 27:30

Opaete ɨvɨ omoñemuña vae, temitɨ jäɨ, ɨvɨra reta ia payandepo güi metei chembae ko, toñeñono tee cheve.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

San Mateo 12:7

Ërei peikuaa yave mona mbae ko oipota jei: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Jökorai yave, ngaraa tëi pemboeko jekombae reta.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 9:13

Pekua peyemboe kavi mbae ra oipota jei kuae: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Echa mbaetɨ ko ayu aeka jupi vae reta. Ayu ko aeka iyoa vae reta, oeya vaerä jeko ikavimbae.

San Lucas 11:42

“¡Paravete, pe fariseo reta! Echa pemee pediezmo temitɨ reta penoi vae güi. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.

San Lucas 18:12

Che ayekuaku tembíu güi mókoi vese semana pe, jare amee ndeve diezmo opaete amongana vae güi.’

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.