San Mateo 23:13 - Biblia Guarani Tumpa Iñee

¹³ ¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

Nuevo Testamento Guaraní Pe

¹³ Jayave Jesús jei mboroócuai re oporomboe vae reta jare fariseo reta pe: —Pe reta co jae mboroócuai re oporomboe vae reta jare fariseo reta. Peiporarata co. Pe reta co jae oporombotavɨ vae reta. Echa pe reta peyopia iru vae reta agüɨye vaera oique mboroocuaia ara pegua pe. Pe reta etei mbaeti peique. Iru vae reta oipota tei oique, erei pe reta peyopia reta agüɨye vaera oique —jei—.

San Mateo 23:13 ပူးပေါင်းရင်းမြစ်များ

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ZACARÍAS 11:17

¡Paravete maangarekoa iyakɨ vae, oeya mɨmba vae! ¡Kɨsepuku toekɨ iyɨva jare jesa iyakatu kotɨgua! ¡Totini iyɨva jare topɨta jesambae!”

San Mateo 23:16

¡Paravete pe, peresambae reve peporogüɨroata vae reta! Echa pere: ‘Kia tupao jee re ayapota, jei vae, jókuae mbaeä ko. Ërei oro tupao pegua jee re ayapota, jei vae, ipía ma ko opɨta.’

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

San Mateo 23:25

¡Paravete pe jova mókoi vae reta! Mborookuai re oporomboe vae reta jare fariseo reta. Echa peyoe peñae jare petasa reta ikupeño, ërei japɨpe tɨnɨe oï monda pe jare jupimbae pe.

San Mateo 23:27

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta ko jae tɨvɨa oñemotï kavi vae reta ramiño. Echa tɨvɨa ipöra kavi oyekuaa ikatu rupi, ërei japɨpe pe tɨnɨe omanogüe ikägüegüe jare ikɨa.

San Mateo 23:29

¡Paravete pe jova mókoi vae reta! Mborookuai re oporomboe vae reta jare fariseo reta. Echa pemopüa ñeemombeúa reta jɨvɨa reta jare pemopöra kavi jupi vae reta jɨvɨa reta.

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

San Lucas 11:52

¡Paravete, pe mborookuai re oporomboe vae reta! Echa mbaetɨ pemboe ïru vae reta oikuaa vaerä Tumpa. Pe reta etei mbaetɨ peike, jare oike tëi vae peyopia.”

San Juan 9:22

Körai jei tu reta, okɨɨye reta ramo judío reta güi. Echa judío reta jei ma oyoupe: “Jókuae ‘Jesús ko jae Mesías’, jei vae toyemombo yandetupao güi.”

San Juan 9:24

Jayave judío reta oenɨi ye kuimbae tenonde yave jesambae oiko vae, jare jei reta chupe: —Ere Tumpa jee re oreve añete vae. Echa roikuaa kuae kuimbae iyoa vae ko.

San Juan 9:34

Jayave judío reta jei chupe: —Nde rea mbaeyoa pe voi vae, ¿oremboeta ra? Jayave omombo reta joko güi.

Hechos 13:8

Ërei ichoropa vae Elimas omboavai tëi, agüɨye vaerä mburuvicha oporogüɨrovia.

Hechos 5:28

—Ore poyókuai tëi ma agüɨye ye vaerä peporomboe jókuae kuimbae jee re. Ërei pe reta pemotɨnɨe opaete Jerusalén peporomboe pe. Jare peipota pemboya jókuae kuimbae imano oreré.

Hechos 5:40

Jare kuae Gamaliel jei vae ikavi chupe reta. Jayave oenɨi reta temimondo reta, jare oinupa güire oyopia yeyé agüɨye ye vaerä ma imiari Jesús jee re, jare oyora reta.

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

2 Timoteo 3:8

Imbaekuaa vae Janes jare Jambres oyovaicho Moisés ndive rami, jökorai vi kuae kuimbae reta oyovaicho añete vae ndive, pɨ̈chɨi vae reño oyemongeta reta, iporogüɨrovia opa omokañɨ vae reta.

2 Timoteo 4:15

Nde vi eñemoata chugüi, echa jae oyovaicho yae yande ndive, ñamoërakua vae re.