San Mateo 21:5 - Biblia Guarani Tumpa Iñee

⁵ “Pemombeu Sión pegua reta pe: ‘Mase, peRuvicha Guasu ou pekotɨ. Oñemomichi vae. Opo ou mburika kuimbae taɨrusu vae re, mburikamí imembɨ re.’ ”

Nuevo Testamento Guaraní Pe

⁵ Pemombeu Sion tayɨ pe: Mase, ndeRuvicha Guasu ou ndeve. Oñemomichi oi. Echa opo ou mburica mi re. Opo ou mburica mi taɨrusu vae re. Jocuae co mburica mi imembɨ. Jocorai jei.

San Mateo 21:5 ပူးပေါင်းရင်းမြစ်များ

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

2 SAMUEL 16:2

Jare mburuvicha guasu jei Siba pe: —¿Maera pa reru kuae? Jare Siba jei: —Kuae mburika reta ko mburuvicha guasu jo pegua reta opo jese vaerä, jare kuae mbae ia oñemotinigüe reta ko sundaro reta jou vaerä jare vino ko jou vaerä ñuu rupi ikangɨ vae reta.

1 REYES 1:33

jei chupe reta: —Peraja perupíe mburuvicha cheɨvɨrigua reta, jare cheraɨ Salomón pembopo chemburika guasu re, jare peraja Gihón pe;

1 REYES 10:26

Salomón ogua käretou reta jare omboatɨ kavayu regua kuimbae reta. Güɨnoi mil cuatrociento käretou jare doce mil kavayu regua kuimbae reta, kuae reta oñono tëta guasu reta käretou ñeraro pegua jenda rupi, jare Jerusalén oäro vae reta pɨri.

SALMOS 9:14

Chemiari vaerä ndeño ipuere ndemboete vae. Tëta guasu Sión jöke pe amoërakuata. Ayerovia, echa nde chereroasayepe.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 40:9

Eyeupi ɨvɨtɨ ɨvate vae re, esapúkai täta emombeu ñee kavi reru Sión peguarä vae, ñee kavi reru Jerusalén peguarä vae, esapúkai rekɨɨyembae reve, ere Judá pegua tëta guasu reta pe: “¡Ko oï peTumpa!”

ISAÍAS 62:11

Mase, yandeYa omoërakuauka opaete ɨvɨ iyapɨ rupi ave körai: “Pere tëta guasu Sión pegua reta pe, ou ma oväe Jeroasayepea. YandeYa güeru imbae vae reta, opa opɨ̈ro güire.”

EZEQUIEL 34:24

Che peYa aikota peTumparä jare cherembiokuai David rami vae peruvicharä. Che peYa Tumpa jae kuae.

EZEQUIEL 37:24

Cherembiokuai David rami vae oikota jae reta juvicha guasurä, güɨnoi retata meteiño oyangareko jese reta vaerä; yogüɨreko retata cheporookuai reta rupi, oñovatuta jare oyapo retata.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

NÚMEROS 24:19

Jacob iñemuña güi oëta oporomoamɨri vae, omboaita tëta pe jembɨregüe.”

San Mateo 11:29

Peiko cheré, jare peyemboe che añemomichi ko vae re. Jare peväeta perekove oputuu vaerä.

San Mateo 2:2

Jare oparandu reta: —¿Kia pe pa oime oï michia judío reta juvicha guasurä oikota vae? Echa roecha iyasɨtata kuaraɨ oëa kotɨ güi. Jáeramo royu romboete vaerä.

San Mateo 2:6

“Nde Belén, ɨvɨ Judá pegua michi yae vaeä ko nde Judá pegua tëta guasu reta güi. Echa ndegüi oëta oporogüɨroata vae. Jae oyangarekota Israel pegua chembae vae reta re.”

San Mateo 21:6

Jayave Jesús jemimboe reta yogüɨraja, jare oyapo reta jae oyókuai rami.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Juan 1:49

Jayave Natanael jei chupe: —Oporomboe vae. ¡Nde ko jae Tumpa Taɨ. Nde ko jae Israel pegua reta Juvicha guasu!

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

DEUTERONOMIO 17:16

Ërei jókuae mburuvicha guasu agüɨye tomoñemuña iyeupe jeta kavayu, agüɨye vi tomondo togüeruruka iyeupe Egipto kotɨ güi omoïru vaerä ikavayu, echa yandeYa jei peve: ‘Agüɨye ye peyu kuae tape rupi.’

JUECES 12:14

chau año rupi. Abdón güɨnoi cuarenta taɨ jare treinta jɨmɨmino, mburika re opo vae reta.

JUECES 5:10

Pe reta, pepo mburika kuña tïi vae re vae; jare peguapɨ peporojäa vae, jare pe reta peguata vae, pemoërakua.