San Mateo 21:32 - Biblia Guarani Tumpa Iñee

³² Echa Juan ou oikuaauka peve jupi vae regua, ërei pe reta mbaetɨ perovia. Ërei mburuvicha peguarä okovara vae reta jare kuña iyaguasa pota vae reta güɨrovia jese. Jare yepe tëi kuae peecha, ërei mbaetɨ peeya peyemongeta ikavimbae vae pepɨa pe oï vae, perovia vaerä Juan.

Nuevo Testamento Guaraní Pe

³² Echa Juan ou oicuauca peve jupi vae, erei pe reta mbaeti perovia. Erei mburuvicha peguara ocovara vae reta jare cuña aguasa rupi yogüɨreco vae reta güɨrovia. Jare yepe tei cuae peicuaa, erei mbaeti peeya peñemongueta icavi mbae vae pepɨa pe oi vae. Jecuae peateɨ perovia Juan —jei—.

San Mateo 21:32 ပူးပေါင်းရင်းမြစ်များ

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

San Mateo 11:18

Echa Juan ou, mbaetɨ jou tembíu jare vino. Jare jei reta: ‘Aña oya jese.’

San Mateo 21:25

¿Kia pa ombou Juan oporombobautisa vaerä? ¿Tumpa pa ombou?, ani ¿ɨvɨ pegua reta pa ombou? Jayave jae reta oyoaka oyoupii, jei reve: “Yae yave: ‘Tumpa ko ombou’, jae jeita yandeve: ‘¿Maera pa mbaetɨ perovia?’

San Mateo 21:31

¿Kia nunga pa kuae mókoi vae güi oyapo tu jei vae? Jayave jae reta jei chupe: —Jókuae tenonde tu oyókuai vae. Jayave Jesús jei chupe reta: —Añete che jae peve, mburuvicha peguarä okovara vae reta jare kuña iyaguasa pota vae reta jae reta räri oiketa pegüi Tumpa iporookuaía pe.

San Mateo 5:46

Echa peaɨu yave peraɨu vae retaño, ¿mbae pa Tumpa omeeta peve? Echa mburuvicha peguarä okovara vae reta oyapo vi jökorai.

2 Timoteo 2:25

tomboe oñemomichi reve oyembopɨapochɨ vae reta, echa güɨramoi Tumpa omaeñota jese reta oeya vaerä iyemongeta ikavimbae vae jare oikuaa vaerä añete vae,

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

2 Pedro 2:21

Echa ikavi ko agüɨye etei oikuaa viña jupi vae regua, jare oyerova ye mborookuai oñemee chupe vae güi.

Apocalipsis 2:21

Jare amee ma jókuae kuña pe oeya vaerä iyemongeta ikavi mbae vae ipɨa pe oï vae, ërei mbaetɨ oipota oeya jeko ikavimbae.