San Mateo 21:26 - Biblia Guarani Tumpa Iñee

²⁶ Ani yae yave: ‘Ɨvɨ pegua reta ko ombou’, yamboarasɨta ko jeta vae reta. Echa opaete vae güɨrovia Juan jae ko metei ñeemombeúa.”

Nuevo Testamento Guaraní Pe

²⁶ Erei mbaeti ñandepuere yae: Ɨvɨ pegua reta co ombou. Echa yaquɨye tenta pegua reta güi. Echa opaete vae güɨrovia Juan co jae metei Tumpa iñee omombeu vae —jei reta oyoupe.

San Mateo 21:26 ပူးပေါင်းရင်းမြစ်များ

ISAÍAS 57:11

¿Kia pa jókuae tumpa-raanga reta reipoɨu chugüi jare remboete vae, jupimbae reiko vaerä cheve? Mbaetɨ kërai ave nemaendúa cheré; nde mbaetɨ chemboete yave, kïriiño apɨta iyɨpɨ güive jare mbaetɨi reipoɨu chegüi.

San Mateo 11:9

Ërei ¿kia re pa ko peo pemae? ¿Peo ra pemae metei ñeemombeúa re? Añete, jae ko, ërei oasa ete ye ñeemombeúa reta güi.

San Mateo 14:5

Jáeramo Herodes oipota tëi oyukauka Juan. Ërei okɨɨye opaete vae reta güi. Echa jae reta güɨrovia Juan jae ko metei ñeemombeúa.

San Mateo 21:11

Jare jeta vae reta jei: —Kuae jae ko Jesús ñeemombeúa Nazaret pegua ɨvɨ Galilea pegua.

San Mateo 21:25

¿Kia pa ombou Juan oporombobautisa vaerä? ¿Tumpa pa ombou?, ani ¿ɨvɨ pegua reta pa ombou? Jayave jae reta oyoaka oyoupii, jei reve: “Yae yave: ‘Tumpa ko ombou’, jae jeita yandeve: ‘¿Maera pa mbaetɨ perovia?’

San Mateo 21:27

Jayave jei reta Jesús pe: —Mbaetɨ roikuaa. Jesús jei vi chupe reta: —Che vi ngaraa amombeu peve mbae nunga mbaepuere ndive ko ayapo kuae mbaembae reta vae.

San Mateo 21:46

Jare jae reta oipota tëi oipɨɨ Jesús. Ërei ipuereä. Echa okɨɨye reta jeta vae reta güi, güɨrovia reta ramo Jesús jae ko ñeemombeúa.

San Marcos 11:32

Ani yae yave: “Kuimbae reta ko ombou…” Ërei jae reta okɨɨye tëta guasu pegua reta güi. Echa opaete vae güɨrovia Juan jae ko añetete ñeemombeúa.

San Marcos 12:12

Jayave jókuae oyeapɨsaka jese vae reta oipota tëi oipɨɨ Jesús. Echa oikuaa reta, jókuae ombojaanga reve jei vae ikotɨ reta ko jei. Ërei okɨɨye reta tëta guasu pegua reta güi. Jáeramo oeyaño, jare yogüɨraja.

San Marcos 6:20

Echa Herodes oikuaa Juan ko jae kuimbae jupi vae. Jáeramo oipoɨu, jare omaeñoä kia re oyapo vaerä ikavimbae vae chupe. Jare oyeapɨsaka Juan re yave, ipɨakañɨ yae opɨta, ërei ikɨ̈reɨ ngatu reve oyeapɨsaka jese.

San Lucas 20:19

Jayave jupivei sacerdote reta itenondegua reta jare mborookuai re oporomboe vae reta oipota tëi oipɨɨ Jesús. Echa oikuaa jókuae ombojaanga reve jei vae ikotɨ reta ko jei. Ërei okɨɨye tëta guasu pegua reta güi.

San Lucas 20:6

Ani yae yave: ‘Ɨvɨ pegua reta ko ombou’, opaete vae reta yandeapita ita pe yandeyuka. Echa jae reta güɨrovia Juan ko jae metei ñeemombeúa.”

San Lucas 22:2

Jayave sacerdote reta itenondegua reta jare mborookuai re oporomboe vae reta oeka kërai oyuka vaerä Jesús. Ërei okɨɨye opaete vae reta güi.

San Juan 5:35

Juan kó jae metei mechero jendɨ jare omoembipe vae rami. Jare pe reta michi pegua yae peyerovia katu jese.

San Juan 9:22

Körai jei tu reta, okɨɨye reta ramo judío reta güi. Echa judío reta jei ma oyoupe: “Jókuae ‘Jesús ko jae Mesías’, jei vae toyemombo yandetupao güi.”

Hechos 5:26

Jayave tupao järoa reta juvicha sacerdote tenondegua jembiokuai reta ndive yogüɨraja güeru kaviño. Echa okɨɨye reta oyeapiuka vaerä ita pe opaete vae reta pe.