San Mateo 21:19 - Biblia Guarani Tumpa Iñee

¹⁹ Jare oecha yave metei ɨva köiño tape güi ojo omae jese, ërei mbaetɨ oväe ia jese, joo katuaiño. Jare jei ɨva pe: —¡Ngaraa ye ma ndeía! Jare ɨva jupivei voi opa yɨpi.

Nuevo Testamento Guaraní Pe

¹⁹ Jare oecha metei ɨva coiño tape güi. Jayave ojo omae jese, erei mbaeti ovae ia, jaeño joo. Jayave jei ɨva pe: —Ngaraa etei ma ndeía. Jare ɨmambae ɨva yɨpi.

San Mateo 21:19 ပူးပေါင်းရင်းမြစ်များ

ISAÍAS 5:2

Oikëse iɨvɨ jare opa güɨnoe ita omombo, jare oñotɨ uva iɨ ikavigüe. Jare jemitɨ mbɨte pe omopüa maeka ɨvate vae, jare oyapo vi uva oitɨami pɨpe vaerä. Chevɨa-ïru oäro tëi iuva iagüe jëe kavi vaerä, ërei iuva iagüe jayasɨ yae chupe.

JEREMÍAS 8:13

YandeYa jei: “Tëta chembae vae ayasɨata trigo opa oyeasɨa rami. Ngaraa opɨta uva ave uva jäka re, ɨva ave mbaetɨta ɨva jäka re. Jaeño opɨtata joo ipirugüe.”

San Mateo 21:20

Jesús jemimboe reta oecha yave jókuae, ipɨakañɨ reve jei reta: —¿Kërai pa jupivei opa yɨpi jókuae ɨva?

San Marcos 11:14

Jayave Jesús jei ɨva pe: —Ngaraa ye ma kia jou ndeía. Jare jemimboe reta oendu.

San Marcos 11:20

Ndeimbove yave oasa ye ɨva oïa rupi yave, oecha reta opa yɨpi iyɨpɨ güive.

San Lucas 3:9

Jáeramo temitɨ oyeasɨa vaerä ma ko oï japo reve, echa opaete temitɨ ikavimbae vae iya oyasɨa ko oapɨ vaerä.”

San Juan 15:2

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

San Juan 15:6

Jókuae mbaetɨ oï cheré vae oyemombota metei jäka oyeasɨa oyemombo yɨpi vaerä vae rami. Jare yɨpigüe oyemboatɨ jare oyemombo oyeapɨ vaerä.

2 Timoteo 3:5

jupi vae rami yogüɨrekota, ërei ngaraa etei oyekuaa jese jupi vae, agüɨye eñemoïru jókuae nunga reta ndive.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

Judas 1:12

Kuae reta ko pemomarai peyemboatɨ pekaru peyoaɨu revea pe, echa jae reta okaru pe reta ndive imarambae reve, iyé aeño oyangareko reta; jae reta ko amapɨtu iamambae vae rami, jókuae ɨvɨtu täta güɨroveve rami; temitɨ iambae iara pe vae rami, mókoi ye omano, jare oyeapomondoro.

Apocalipsis 22:11

Jupimbae oyapo vae tijeiete toyapo jupimbae. Ikɨa Tumpa jóvai vae tijeiete tikɨa Tumpa jóvai. Jupi vae jeiete tijupi. Jare oñeñono tee vae jeiete toñeñono tee Tumpa peguarä.”