San Mateo 21:11 - Biblia Guarani Tumpa Iñee

¹¹ Jare jeta vae reta jei: —Kuae jae ko Jesús ñeemombeúa Nazaret pegua ɨvɨ Galilea pegua.

Nuevo Testamento Guaraní Pe

¹¹ Jare jeta vae jei: —Cuae co jae Jesús. Jae co metei Tumpa iñee omombeu vae Nazaret pegua. Nazaret Galilea pegua co —jei reta.

San Mateo 21:11 ပူးပေါင်းရင်းမြစ်များ

San Mateo 2:23

Jare José ojo oiko tëta Nazaret jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”

San Mateo 21:10

Jare Jesús ojo oväe Jerusalén pe yave, joko pegua reta ipɨakañɨ reve jei: —¿Kia pa ko kuae?

San Mateo 21:26

Ani yae yave: ‘Ɨvɨ pegua reta ko ombou’, yamboarasɨta ko jeta vae reta. Echa opaete vae güɨrovia Juan jae ko metei ñeemombeúa.”

San Mateo 21:46

Jare jae reta oipota tëi oipɨɨ Jesús. Ërei ipuereä. Echa okɨɨye reta jeta vae reta güi, güɨrovia reta ramo Jesús jae ko ñeemombeúa.

San Marcos 6:15

Ïru vae reta jei: —Elías ko. Amogüe vae reta jei: —Metei ñeemombeúa ko, ani arakae Tumpa iñee omombeu vae rami vae ko.

San Lucas 13:33

Añete ko, ikavi ko aja añave, pɨareve jare kóeramo Jerusalén kotɨ. Echa mbaetɨ ko jaekavi metei ñeemombeúa omano vaerä ïkotɨa Jerusalén güi.

San Lucas 24:19

Jayave jae jei chupe reta: —¿Mbae pa? Jare jae reta jei chupe: —Jesús Nazaret-ɨgua pe oyeapo vae. Jae ko metei ñeemombeúa, imbaepuere yae mbae oyapo vaerä jare ñee pe Tumpa jóvai jare opaete vae reta jóvai.

San Lucas 7:16

Jayave opaete vae okɨɨye. Omboete reta Tumpa, jei reve: —Ñeemombeúa tuichagüe oyekuaa yandepɨte pe. Tumpa ou yandemborɨ, yande tëta imbae vae reta.

San Lucas 7:39

Jare fariseo Jesús pe oparea vae kuae oecha yave, jei ipɨa pe: “Kuae kuimbae, ñeemombeúa ko yave, oikuaata mbae nunga ko kuae kuña vae. Echa iyoa vae ko.”

San Juan 1:21

Jae reta oparandu ye chupe: —Jayave, ¿nde pa ko jae Elías? Juan jei: —Jaeä ko che. Jei reta chupe: —¿Nde pa ko jókuae ñeemombeúa? Juan jei chupe reta: —Jaeä ko che.

San Juan 1:25

Oparandu reta Juan pe: —¿Maera pa reporombobautisa? Nde jaeä ko Cristo ani Elías ani jókuae ñeemombeúa yave.

San Juan 4:19

Jayave kuña jei: —CheYa, añave aikuaa nde ko jae ñeemombeúa.

San Juan 6:14

Jare joko pe ñogüɨnoi vae reta oecha ma yave kuae mɨakañɨ Jesús oyapo vae, jei reta: —Añetete, jae kuae jókuae ñeemombeúa outa kuae ɨvɨ pe vae.

San Juan 7:40

Kuae oendu amogüe joko pe ñogüɨnoi vae yave jei: —Añetete, kuae kuimbae jae ko jókuae ñeemombeúa.

San Juan 9:17

Jayave jei reta ye kuimbae tenonde yave jesambae oiko vae pe: —¿Mbae pa rere nde jókuae nemomae vae re? Kuimbae jei: —Jae ko ñeemombeúa.

Hechos 7:37

Moisés jei Israel pegua reta pe: “YandeYa Tumpa omopüata peve ñeemombeúa perëtara reta güi, che chembou rami. Peyeapɨsaka jese.”