San Mateo 20:8 - Biblia Guarani Tumpa Iñee

⁸ Kuaraɨ oike ma yave, ko iya jei jembiokuai opaete imbaembae iyangarekoa pe: Eenɨi oparavɨkɨ vae reta jare emboepɨ chupe reta. Emboɨpɨ emboepɨ taɨkue ete omboɨpɨ oparavɨkɨ vae reta güi, jare emboapɨ tenonde omboɨpɨ oparavɨkɨ vae reta pe.

Nuevo Testamento Guaraní Pe

⁸ Cuaraɨ oique ma yave, co iya jei jembiócuai pe: Eeni oparavɨquɨ vae reta emboepɨ. Emboepɨ rani taɨcue rupi omboɨpɨ oparavɨquɨ vae reta pe, jare taɨcue rupi emboepɨ tenonde yave omboɨpɨ oparavɨquɨ vae reta pe —jei, jei—.

San Mateo 20:8 ပူးပေါင်းရင်းမြစ်များ

GÉNESIS 15:2

Jare Abram jei körai: —CheYa Tumpa, ¿maera pa remeeiñota cheve? Echa mbaetɨ ko cheraɨ, jare chero pe cherembiokuai opaete chembaembae iyangarekoa, jae ko Eliezer Damascoɨgua yoapɨ.

GÉNESIS 43:19

Jare oya reta José imbaembae iyangarekoa re, jare omomiari reta José jo jöke pe,

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

San Mateo 20:7

Jare jae reta jei: ‘Mbaetɨ kia oremombaravɨkɨ ramo.’ Jayave ko iya jei chupe reta: ‘Pe reta pekua vi peparavɨkɨ cheuvarupa pe. Amboepɨ kavita peve.’

San Mateo 20:9

Jare yogüeru jókuae ora pandepota ma kaaru yave omboɨpɨ oparavɨkɨ vae reta, jare metei ñavo omboresive reta metei denario.

San Mateo 25:19

Jare ɨma pe jókuae tembiokuai reta iya ou ye oväe iɨvɨ pe, jare omboɨpɨ oï kavi korepoti omee chupe reta vae re

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Lucas 10:7

Jare pepɨta jókuae o pe. Peu oipotagüe omee peu vaerä vae. Echa jupi ko oparavɨkɨ vae pe oyemboepɨ vaerä. Agüɨye oipotagüe o rupiño peiko.

San Lucas 12:42

Jayave yandeYa jei: “Metei tembiokuai omaangareko vae jeko kavi vae jare oyeandu katu reve vae pe iya oeya ipo pe, omee vaerä ïru tembiokuai reta pe jembiurä iora pe kavi.

San Lucas 8:3

Juana, Chuza jembireko. Chuza ko jae mburuvicha guasu Herodes jembiokuai; Susana jare jeta ïru kuña reta.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

DEUTERONOMIO 24:15

Pemboepɨ chupe jókuae ara voi ndei pɨ̈tu mbove, echa paravete ko, oatata chupe oiko jese vaerä. Agüɨye vaerä oñeapo peré yandeYa pe jare peyoa pepɨta.

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

1 Pedro 4:10

Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.

RUT 2:6

Jare tembiokuai, ombaepoo vae reta itenondegua jei: —Jae ko kuñatai Moab pegua, Noemí ndive ou ɨvɨ Moab kotɨ güi vae.