San Mateo 20:6 - Biblia Guarani Tumpa Iñee

⁶ Jekuae ko iya oë ye ora pandepota ma kaaru yave, jare oecha ïru vae reta ñogüɨnoiiño iparavɨkɨmbae. Jayave jei chupe reta: ¿Maera pa peïiño kuae pe opaete ara peparavɨkɨmbae reve?

Nuevo Testamento Guaraní Pe

⁶ Jare co iya oe ye caaru yae yave, jare oecha iru vae reta oñemboɨ ñogüɨnoi mbaeti iparavɨquɨ rambue. Jayave jei chupe reta: ¿Maera pa pei cuae pe opaete ara peparavɨquɨ mbae reve? —jei, jei—.

San Mateo 20:6 ပူးပေါင်းရင်းမြစ်များ

PROVERBIOS 19:15

Iyakɨ vae, jopeɨ yae, ipokosembae, oiporarata yɨmbɨaɨ.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

San Mateo 20:5

Ko iya jekuae oë ye kuaraɨ ara mbɨte ma yave, jare ora mboapɨa ma kaaru yave, omondo vi iuvarupa pe oparavɨkɨ reta vaerä.

San Mateo 20:7

Jare jae reta jei: ‘Mbaetɨ kia oremombaravɨkɨ ramo.’ Jayave ko iya jei chupe reta: ‘Pe reta pekua vi peparavɨkɨ cheuvarupa pe. Amboepɨ kavita peve.’

San Mateo 20:9

Jare yogüeru jókuae ora pandepota ma kaaru yave omboɨpɨ oparavɨkɨ vae reta, jare metei ñavo omboresive reta metei denario.

San Juan 9:4

Ikavi ko ayapo vaerä chembou vae iparavɨkɨ ndei pɨ̈tu mbove. Echa outa pɨ̈tu; echa pɨ̈tu yave mbaetɨ kia ipuere oparavɨkɨ.

Hechos 17:21

Echa opaete Atenaɨgua reta jare ketɨgua joko pe yogüɨreko vae reta, jaeño oyemoambeko imiari jare oyeapɨsaka mbae ipɨau vae re.

Hebreos 6:12

agüɨye vaerä peakɨ, ërei peiko jókuae iporogüɨrovia rupi jare ipɨaguasu rupi omboresive ma Tumpa güɨrökuavee chupe vae reta rami.