San Mateo 20:28 - Biblia Guarani Tumpa Iñee

²⁸ Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

Nuevo Testamento Guaraní Pe

²⁸ Echa che cuimbaera ayeapo vae ayu ayeócuai vaera iru vae reta pe. Mbaeti ayu iru vae reta oyeócuai cheve vaera. Ayu amano vaera, jeta vae aepɨ vaera —jei.

San Mateo 20:28 ပူးပေါင်းရင်းမြစ်များ

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

San Lucas 22:27

Echa mesa pe oguapɨ okaru vaerä vae ko tenondegua tembíu güeru vae güi. Ërei che aï pepɨte pe ayeokuai peve vaerä.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Timoteo 2:6

Jae oñemee omano vaerä, oepɨ vaerä opaete vae. Jare Tumpa oikuaauka kuae, iara pe kavi.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

Hebreos 5:8

Ërei yepe tëi jae ko Tumpa Taɨ, ërei oyemboe iñeereendu oiporara vae rupi.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

San Marcos 14:24

Jare jei chupe reta: —Kuae ko jae cherugüɨ morogüɨrökuavee päve ipɨau vae pegua, oyepɨyereta jeta vae reta peguarä.

San Mateo 26:28

echa kuae jae ko cherugüɨ morogüɨrökuavee päve ipɨau vae pegua, oyepɨyereta Tumpa iñɨ̈ro vaerä jeta vae reta pe iyoa reta re.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

Romanos 4:25

echa jae oñemee omano vaerä yandeyoa reta re jare oikove ye yandembojupi vaerä.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

Hebreos 2:10

Tumpa opaete mbaembae iyapoa, jese oï opaete mbaembae vae pe ikavi jeta ɨvɨ pegua reta oyeapo vaerä taɨ retarä, jáeramo, omee oiporara vaerä Jesús jare oupitɨ oporomboasa vaerä.

San Juan 10:15

Jökorai CheRu chekuaa jare che aikuaa vi. Jare che amee cherekove vecha reta re.

ISAÍAS 53:8

Oipɨɨ reta jare ojäa reta oyuka; jare mbaetɨ iñemuña jërakua vaerä. Echa oyeasɨa kuae ɨvɨ güi, oikove vae reta ipɨte güi, cherëta pegua reta ipɨapochɨ vae jeko pegua omano.

ISAÍAS 53:5

Ërei ngatu jae ipere ko, yandepɨapochɨ reta re, oiporara ko yandeyoa jeko pegua; jae oiporara mbɨakatu ñanoi vaerä, jare ipere rupi ko yakuera.

SALMOS 49:7

metei ave chugüi reta, ngaraa oepɨ jëtara vae, Tumpa pe ave ngaraa oyemboepɨ oyereroasayepe vaerä.

San Mateo 8:20

Jesús jei chupe: —Aguara reta oime ikua, jare güɨra reta oime jaitɨ. Ërei che Kuimbaerä ayeapo vae mbaetɨ anoi kia pe aputuu vaerä ave.

JOB 33:24

Toiparareko jare tei Tumpa pe: “Eroasayepe tɨvɨa güi, echa aväe chupe oepɨ vae.”

San Mateo 20:27

Jare oime yave kia pepɨte pe oï vae oipota tenondeguarä oiko vae, toyeokuai ïru reta pe.

San Marcos 10:45

Echa che Kuimbaerä ayeapo vae ayu ko ayeokuai vaerä ïru vae reta pe. Mbaetɨ ayu ïru vae reta oyeokuai vaerä cheve. Ayu amano vaerä, jeta vae reta aepɨ vaerä.

NÚMEROS 7:15

jare metei toro taɨrusu vae, metei vecha kuimbae, metei vecha kuimbae taɨrusu vae metei año vae, mɨmba oyeyuka opaetei oyeapɨ vaerä vae;