San Mateo 20:24 - Biblia Guarani Tumpa Iñee

²⁴ Jare ïru payandepo Jesús jemimboe reta kuae oendu yave, pochɨ reta jókuae oyotɨvɨ vae reta kotɨ.

Nuevo Testamento Guaraní Pe

²⁴ Jare iru diez Jesús jemimboe reta cuae oendu, jare pochɨ reta Jacobo jare Juan pe.

San Mateo 20:24 ပူးပေါင်းရင်းမြစ်များ

PROVERBIOS 13:10

Pɨayemboete, güeru ñeraro; ërei yemboarakuaa oendu vae, yarakuaa katu.

San Mateo 20:23

Jare Jesús jei chupe reta: —Añete pe reta peiporarata che aiporarata vae. Ërei mbaetɨ chepuere jae peve peguapɨ vaerä cheɨpɨ pe. Echa cheRu ko omokätɨro ma joko pe oguapɨta vae reta peguarä.

San Mateo 20:25

Ërei Jesús oenɨi jei reta. —Pe reta peikuaa ko mburuvicha ɨvɨ pegua reta güɨnoi mbaepuere iɨvɨ pegua reta re.

San Marcos 10:14

Jesús kuae oecha yave, pochɨ jemimboe reta pe, jare jei chupe reta: —Pemaeño michia reta re yogüeru vaerä chekotɨ. Agüɨye peyopia. Echa kuae nunga reta ko yogüɨreko Tumpa iporookuaía pe.

San Marcos 10:41

Jare ïru payandepo Jesús jemimboe reta kuae oendu yave, pochɨ reta Jacobo jare Juan kotɨ.

San Lucas 13:14

Ërei judío reta itupao pegua tenondegua iyarasɨ Jesús oporombogüera ara mbutuu pe ramo, jei joko pe ñogüɨnoi vae reta pe: —Ova ara ko oï yaparavɨkɨ vaerä. Peyu jókuae ara reta pe pekuera vaerä. Agüɨye peyu pekuera vaerä ara mbutuu pe.

1 Corintios 13:4

Mboroaɨu jae ko yaiporara vae, yandepɨakavi vae, mbaetɨ ko ñemoägüɨro, mbaetɨ ko yembotuicha, mbaetɨ ko pɨayemboete,

Filipenses 2:3

Agüɨye mbae peyapo peyovaicho vaerä oyoe. Agüɨye mbae peyapo peyembotuicha reve; ërei opaete mbaembae peyapo peñemomichi reve, metei ñavo tomae ïru vae re tuichagüe re rami;

Santiago 3:14

Ërei peñemoägüɨro yave ïru vae reta re jare pepochɨ pepɨa rupi yave, agüɨye peyemboete ani peapu añete vae kotɨ.

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”