San Mateo 20:21 - Biblia Guarani Tumpa Iñee

²¹ Jare Jesús oparandu kuña pe: —¿Mbae pa reipota? Kuña jei: —Emee kuae mókoi chemembɨraɨe reta pe oguapɨ vaerä ndeɨpɨ pe ndeporookuaía pe; metei ndeakatu kotɨ jare ïru ndeasu kotɨ.

Nuevo Testamento Guaraní Pe

²¹ Jayave Jesús oparandu cuña pe: —¿Mbae pa reipota? —Emaeño cuae mócoi chemembɨ re oguapɨ vaera ndeɨque pe reporoócuai yave, metei ndeacatu cotɨ jare iru ndeasu cotɨ —jei cuña chupe.

San Mateo 20:21 ပူးပေါင်းရင်းမြစ်များ

1 REYES 2:19

Jökorai Betsabé ojo imiari vaerä mburuvicha guasu Salomón pe Adonías jei chupe vae re. Mburuvicha guasu opüa omboresive ichɨ jare itindɨ jóvai. Javoi ojo ye oguapɨ tenda mborookuai pegua pe, jare oyókuai tembiokuai reta güeru vaerä ichɨ pe tenda oguapɨ vaerä, jayave jae oguapɨ iyakatu kotɨ.

1 REYES 3:5

Jare metei pɨ̈tu Salomón ipaɨu pe yandeYa oyekuaa chupe Gabaón pe, jei chupe: “Eiporu cheve nde reipota vae, tamee ndeve.”

ESTER 5:3

Jare mburuvicha guasu oparandu: —¿Maratu pa reiko Ester? ¿Mbae pa reipota? Reiporu yave cheve mborookuaía mbɨte rupi, toñemee ndeve.

SALMOS 110:1

YandeYa jei cheYa pe: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

SALMOS 45:9

Mburuvicha guasu reta tayɨ reta ñogüɨnoi ndeɨvɨrigua imboetea yae vae reta ipɨte pe; nderembireko oï ndeakatu kotɨ, oñemopöra ikavi yae reve, oro Ofir pegua pe.

JEREMÍAS 45:5

¿Reipota pa reiporu ndeyeupe mbae tuichagüe? Agüɨye eiporu, echa che ambouta susere yavaetegüe opaete oikove vae re. Ërei nderé amaeñota reikove vaerä, opaete kerupi reoa rupi. Che ndeYa ko jae kuae.’ ”

San Mateo 18:1

Jókuae ara rupi Jesús jemimboe reta oparandu chupe: —¿Kia pa ko jae tenondegua araɨgua mborookuaía pe?

San Mateo 19:28

Jayave Jesús jei jemimboe reta pe: —Añete che jae peve, che Kuimbaerä ayeapo vae aguapɨ yave cheyemboetea, mborookuaía pegua pe, pe reta peyu cherupíe vae peguapɨta vi doce guapɨa pe, pejäa vaerä doce ñemuña Israel pegua reta.

San Mateo 20:22

Jayave Jesús jei chupe reta: —Mbaetɨ peikuaa mbae peiporu vae. ¿Pepuereta pa peiporara che aiporarata vae? ¿Pepuereta pa peyembobautisauka che ayembobautisaukata rami? —Orepuereta ko —jei reta.

San Mateo 20:32

Jayave Jesús oyemboɨ, jare oenɨi jókuae jesambae vae reta. Jei chupe reta: —¿Mbae pa peipota ayapo peve?

San Marcos 10:51

Jesús oparandu chupe: —¿Mbae pa reipota ayapo ndeve? Jesambae vae jei: —Oporomboe vae, aipota amae.

San Marcos 16:19

Jayave yandeYa opa imiari yave jae reta ndive, ojo ara pe, jare oguapɨ Tumpa iyakatu kotɨ.

San Marcos 6:22

Jare Herodías imembɨ kuña oike opɨrae yave, omboyerovia yae Herodes jare jae ndive okaru ñogüɨnoi vae reta. Jayave Herodes jei kuñatai pe: —Eiporu cheve mbae reipota vae, jare che ameeta ndeve.

San Lucas 18:41

—¿Mbae pa reipota ayapo ndeve? Jesambae vae jei: —CheYa, tamae.

San Lucas 19:11

Jare Jesús ndive ñogüɨnoi vae reta oendu kuae kuae yave, imiari ye chupe reta ombojaanga reve. Echa köiño ma oï Jerusalén güi ramo, jae ndive ñogüɨnoi vae reta oyemongeta ɨmambae ko oyekuaata Tumpa iporookuaía.

San Lucas 22:24

Jare Jesús jemimboe reta omboɨpɨ oyoaka oyoupii kia ra chugüi reta tenondeguarä

San Juan 15:7

Peï yave cheré, jare peyapo che jae peve vae yave, peiporu peipota vae jare oyeapota ko peve.

Hechos 1:6

Jayave yatɨ vae reta oparandu Jesús pe: —OreYa, ¿remopüa yeta pa Israel pe mborookuaía kuae ara reta rupi?

Romanos 12:10

Peyoaɨu oñoëtara ete vae reta rami. Pemae kavi oyoe peyomboete reve.

Romanos 8:34

¿Kia pa ko jae oporojäata vae? Cristo ko omano jare oikove ye vae, jare oime oï Tumpa iyakatu kotɨ vae. Jae etei oyerure Tumpa pe yanderé vae.

Colosenses 3:1

Jáeramo, Tumpa pemoingove Cristo ndive ramo, peeka mbaembae ara pegua re, Cristo oguapɨ oï Tumpa iyakatu kotɨa pe.