San Mateo 2:19 - Biblia Guarani Tumpa Iñee

¹⁹ Ërei Herodes omano ma yave, José Egipto pe oï ramboeve, metei yandeYa iaraɨgua oyekuaa José pe ipaɨu pe.

Nuevo Testamento Guaraní Pe

¹⁹ Erei Herodes omano ma yave, José Egipto pe oi rambueve, metei araɨgua ñandeYa pe oyeócuai vae oyecuaa José pe ipaɨu pe.

San Mateo 2:19 ပူးပေါင်းရင်းမြစ်များ

SALMOS 139:7

¿Ketɨ pa ajata ndeEspíritu güi? ¿Ketɨ pa atekuaraita ndegüi?

SALMOS 76:10

Kuimbae iyarasɨ ndemboeteukata; ¡michi yae iyarasɨ vae ave ndemboeteukata!

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

EZEQUIEL 11:16

Jáeramo ere chupe reta: ‘Körai jei yandeYa Tumpa: Che opa anoe amombo jare opa amoai moai reta mombɨrɨ ïru tëtaguasu reta oikuaambaea rupi, ërei jeseve che etei aikota chupe reta omboete reta vaerä, ïru ɨvɨ pe yogüɨreko ramboeve.’

DANIEL 11:45

omopüata jeyupa ɨguasu jare ɨvɨtɨ guasu iyemboetea yae vae jare oñeñono tee vae ipäu pe. Ërei joko pe oväeta omano vaerä, jare mbaetɨta kia omborɨ vae.

DANIEL 8:25

Ipoki yae oporombotavɨ vae rupi oë kavi aveita chupe mbaembae. Oyembotuicha yaeta, jare jeta kuimbae yogüɨreko pɨagüive vae oyukata iparanoe. Oñemopüata mburuvicha reta Juvicha re, ërei oñemoamɨriukata chupe.

San Mateo 1:20

Ërei kuae re oyemongeta ramboeve, metei araɨgua yandeYa pe oyeokuai vae oyekuaa chupe ipaɨu pe jare jei chupe: “José, David iñemuña pegua. Agüɨye eipoɨu emenda María ndive. Echa ipurúa ko Espíritu Santo imbaepuere rupi.

San Mateo 2:20

Jare jei chupe: “Epüa, eraja ye michia jare ichɨ ɨvɨ Israel pe. Echa oipota tëi oyukauka michia vae reta omano ma.”

San Mateo 2:22

Ërei oikuaa Arquelao ko oï mburuvicha guasurä Judea pe tu Herodes jekovia pe yave, José okɨɨye ojo vaerä Judea pe. Ërei Tumpa omombeu José pe ipaɨu pe ojo vaerä ɨvɨ Galilea pe. Jáeramo jokotɨ ojo.

San Mateo 27:19

Jare Pilato oguapɨ yave oï morojäa pe, jembireko ombou jei chupe: “Agüɨye eyapo mbae jókuae kuimbae jupi vae pe. Echa apaɨu kaviä yae jae jeko pegua.”

Hechos 5:19

Ërei pɨ̈tu yave metei yandeYa iaraɨgua oipea tembipɨɨrɨru jöke reta, jare güɨnoe ikatu pe, jei chupe reta: