San Mateo 2:15 - Biblia Guarani Tumpa Iñee

¹⁵ Jare yogüɨreko joko pe Herodes omano regua. Jökorai oyembopo vaerä yandeYa omombeu arakae ñeemombeúa rupi vae Echa jei: “Egipto güi aru ye cheRaɨ.”

Nuevo Testamento Guaraní Pe

¹⁵ Jare jae reta opɨta Egipto pe Herodes omano regua. Jocorai oyapo José, oyeapo vaera Tumpa iñee aracae omombeu vae rupi ñandeYa jeigüe vae. Echa jei corai: Egipto güi aruruca cheRaɨ.

San Mateo 2:15 ပူးပေါင်းရင်းမြစ်များ

ÉXODO 4:22

Jare rereta Faraón pe: “Körai jei cheYa: Israel jae ko cheraɨrɨpɨ.

OSEAS 11:1

Tëta Israel michi vɨteri yave, che aɨu; jare Egipto güi aru ye cheraɨ.

NÚMEROS 24:8

Tumpa ko, Egipto güi güɨnoe reta; jae ko ipɨ̈rata yae chupe reta toro rami. Israel iñemuña reta opata omokañɨtei tëtaguasu tovaicho reta, opata oikägüe rakɨo reta, oñɨvota mii raɨ ipo pegua pe.

San Mateo 1:22

Opaete kuae oyeapo oï, oyembopo vaerä yandeYa omombeu arakae ñeemombeúa rupi vae.

San Mateo 2:14

Jayave José opüa, jare pɨ̈tu reve güɨraja michia jare ichɨ ɨvɨ Egipto kotɨ.

San Mateo 2:17

Jökorai oyembopo ñeemombeúa Jeremías jei vae.

San Mateo 2:19

Ërei Herodes omano ma yave, José Egipto pe oï ramboeve, metei yandeYa iaraɨgua oyekuaa José pe ipaɨu pe.

San Mateo 2:23

Jare José ojo oiko tëta Nazaret jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”

San Mateo 21:4

Opaete kuae oasa, ñeemombeúa jei vae oyembopo vaerä. Echa jei körai:

San Mateo 26:54

Ërei jökorai yave, ¿këraita pa oyembopo Tumpa Iñee pe oï vae? Echa jei jökoraita ko oyeapo cheve.

San Mateo 26:56

Ërei opaete kuae oyeapo oï oyembopo vaerä ñeemombeúa reta jei vae Tumpa Iñee pe oï vae. Jayave opaete jemimboe reta oeya, jare opa otekuarai.

San Mateo 27:35

Sundaro reta opa güire oikutu kurusu re, omboyao reta oyoupe Jesús jemimondegüe, oyombosuerte reta jese, jökorai oyembopo vaerä ñeemombeúa jei vae. Echa jei: “Omboyao reta cheremimonde oyoupe, oyombosuerte reta cheremimonde re.”

San Mateo 8:17

Oyembopo vaerä ñeemombeúa Isaías jei vae. Echa jei: “Jae etei güɨraja yandembaerasɨ reta.”

San Lucas 24:44

Jayave jei chupe reta: —¿Mbaetɨ pa pemaendúa pe reta ndive aiko ramboeve che jae peve vae re? Kërai oyembopo tai ko cheré Moisés iporookuai, ñeemombeúa reta oikuatiagüe jare Salmo reta pe jei vae.

San Juan 19:28

Kuae jaɨkue rupi Jesús jei: —Cheɨuve. Körai oyembopo ma Tumpa Iñee pe oyekuatía oï vae. Echa Jesús oikuaa opaete iparavɨkɨ opa ma.

San Juan 19:36

Echa opaete kuae oyeapo Tumpa Iñee pe oyekuatía oï vae oyembopo vaerä. Echa oyekuatía oï körai: “Ngaraa ikägüe ave opë.”

Hechos 1:16

“Cherɨvɨ reta, jupi ko oyembopo vaerä Espíritu Santo jei David rupi Tumpa Iñee pe Judas re vae. Kërai Judas güɨraja kuimbae reta Jesús oïa pe oipɨɨuka vaerä.