San Mateo 19:9 - Biblia Guarani Tumpa Iñee

⁹ Jare che jae peve, kia nunga kuimbae omombo jembireko, aguasa oyapoä reve yave, jare güɨreko yave ïru kuña, oyuvanga ko menda re ani jókuae kuña oyemombogüe kia nunga kuimbae güɨreko yave oyuvanga ko menda re.

Nuevo Testamento Guaraní Pe

⁹ Jare che jae peve, metei cuimbae ipuere omombo jembireco, cuña aguasa oyapo yave. Erei cuña mbaeti yave oyapo aguasa, cuimbae omombo yave, oñuvanga co menda re omenda yave iru cuña ndive. Jae ramiño vi iru cuimbae omenda yave jocuae cuña oñemombouca vae ndive, jae vi oñuvanga menda re —jei.

San Mateo 19:9 ပူးပေါင်းရင်းမြစ်များ

GÉNESIS 20:3

ërei ngatu Tumpa ou Abimelec pe ike pe pɨ̈tu yave, jare jei chupe: “Mase, remanota ko, kuña reruruka vae jeko pegua, echa omenda vae ko.”

2 CRÓNICAS 21:11

Jare omopüa vi mbaemboete renda ɨvɨtɨ rupigua reta Judá pe, jare oyavɨuka Jerusalén pegua reta pe Tumpa kotɨ jae reta rami, jare opaete Judá pegua reta omombiauka Tumpa güi.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:8

oecha vi amombo ipɨapochɨ vae Israel, iyaguasa pota jeko pegua; ërei ipɨkɨɨ ipɨapochɨ vae Judá, mbaetɨ oipoɨu, jaeño ojo vi oñemee oiko vaerä aguasa rupi.

EZEQUIEL 16:15

Ërei reyerovia ndeyé nepöra jeko pegua, jare nerërakua yae vae reipoepɨ ndembokere vaerä, reñemee opaete oasa jokoropi vae pe.

EZEQUIEL 16:29

Jekuae rembojeiete ndeaguasa Canaán pe, jare Caldeaɨgua reta ndive; ërei jeseve mbaetɨ ndeangapɨɨ repɨta.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

San Mateo 19:10

Jayave Jesús jemimboe reta jei chupe: —Jökorai ko teko kuimbae jembireko ndive yave, mbaetɨ ko ikavi kuimbae omenda vaerä.

San Mateo 19:8

Jesús jei chupe reta: —Moisés omaeño peré pemombo vaerä perembireko, pepɨatäta jeko pegua. Ërei Tumpa oyapoɨpɨ yave, mbaetɨ ko jökorai.

San Mateo 5:32

Ërei che jae peve, metei kuimbae omombo yave jembireko aguasa mbaetɨ tëi oyapo reve vae, omoëgua ko oyapo vaerä aguasa. Jare jókuae kuña oyemombogüe ndive omenda vae oyuvanga ko menda re.

San Lucas 16:18

Oime yave kia omombo jembireko jare güɨreko ïru kuña yave oyuvanga ko menda re. Jare jókuae kuña oyemombogüe kia güɨreko yave, oyuvanga vi ko menda re.

1 Corintios 5:1

Jërakua oime pepɨte pe güɨreko ichɨraanga vae. Jókuae nunga aguasa mbaetɨ oporogüɨroviambae reta ipɨte pe.

1 Corintios 7:39

Kuña omenda vae oñeapɨti ko oï, ime oikove oiko ramboeve. Ërei ime omano yave, ipuere omenda ye jae oipota vae ndive. Ërei tomenda oporogüɨrovia vae ndive.

1 Corintios 7:4

Kuña mbaetɨ ko güɨnoi mbaepuere jete re, ime ko güɨnoi mbaepuere. Jaeramiño vi kuimbae mbaetɨ ko güɨnoi mbaepuere jete re, jaeño jembireko.