San Mateo 19:29 - Biblia Guarani Tumpa Iñee

²⁹ Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

Nuevo Testamento Guaraní Pe

²⁹ Jare oime yave quia oeya jo, ani tɨqueɨ reta, ani tɨvɨ reta, ani jeindɨ reta, ani tu, ani ichɨ, ani jembireco, ani imichia reta, ani iɨvɨ reta chereco pegua vae, cien rupi jecoviata co chupe, jare güɨnoita imbaera tecove opa mbae vae —jei—.

San Mateo 19:29 ပူးပေါင်းရင်းမြစ်များ

ECLESIASTÉS 3:6

Oime ara, mbae yaeka vaerä, oime vi ara, ñanemaekañɨ vaerä. Oime ara, mbae ñañovatu vaerä, oime vi ara, mbae yamombo vaerä.

San Mateo 10:22

Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

San Mateo 13:23

Ërei jókuae temitɨ oa ɨvɨ kavi pe vae oyembojaanga Tumpa iñee oendu jare oikuaa kavi vae re. Jare jókuae metei temitɨ güi, amogüe cien jäɨ, amogüe sesenta jäɨ jare amogüe treinta jäɨ vae rami ko.”

San Mateo 13:8

Ërei ïru temitɨ oa ɨvɨ kavi pe. Kuae reta okuakuaa kavi jare ia. Amogüe cien jäɨ, amogüe sesenta jäɨ jare amogüe treinta jäɨ.

San Mateo 16:25

Echa opaete oipota oepɨ jekove vae, okañɨteita ko. Ërei opaete omee jekove chereko pegua vae, oikoveta ko.

San Mateo 19:16

Jayave metei taɨrusu ou jei Jesús pe: —Oporomboe vae, jupi vae. ¿Mbae ikavi vae pa ayapota anoi vaerä tekove opambae vae?

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Mateo 5:11

Peyeroviaño, chereko pegua ïru vae reta jei ikavimbae peve yave, jare oiporarauka peve jare jei oipotagüe ikavimbae iyapu reve pekotɨ yave.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

San Lucas 14:26

“Oime yave kia oipota ojo cherupíe vae, ërei ombotenonde yave tu, ichɨ, jembireko, imichia reta, tɨkeɨ jare tɨvɨ, jeindɨ jare jae etei oyembotenonde yave, ngaraa ipuere oiko cheremimboerä.

San Lucas 5:11

Jayave jae reta güeru ibarco reta ɨ jembeɨ pe. Joko pe opa oeya reta, yogüɨraja vaerä Jesús jupíe.

San Lucas 6:22

Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae jeko pegua yave.

San Juan 15:19

Pe reta mona ɨvɨ pegua yave, ɨvɨ pegua reta peraɨuta tëi ko. Ërei che poparavo ma ɨvɨ pegua reta ipɨte güi ramo, jae reta pemotareɨ. Echa pe reta ɨvɨ peguaä ma ko.

San Juan 4:36

Jare ombaarɨvo vae pe oyemboepɨ; oarɨvo tekove opambae vae peguarä, omaetɨ vae jare ombaarɨvo vae oyerovia päve vaerä.

Hechos 9:16

Che aikuaaukata chupe kërai oiporara yaeta chereko pegua.”

1 Corintios 2:9

Ërei oyekuatía oï: “Mbaetɨ kia oecha jare mbaetɨ kia oendu vae, mbaetɨ vi kia oyemongeta jese vae, jókuae mbaembae omokätɨro ma Tumpa oaɨu vae reta pe vae.”

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.

3 Juan 1:7

Echa jae reta oguata yogüɨreko oaɨu ramo Jesucristo, omboresivembae reve mbae oporogüɨroviambae vae reta güi.