San Mateo 19:21 - Biblia Guarani Tumpa Iñee

²¹ Jayave Jesús jei chupe: —Reipota yave reiko jupi vae, ekua emee opaete mbaembae renoi vae, jare jepɨgüe emee iparavete vae reta pe, jayave renoita mbaembae ara pe. Javoi eyu cherupíe.

Nuevo Testamento Guaraní Pe

²¹ Jayave Jesús jei chupe: —Reipota yave reyapo opaete icavi reyapo vaera vae, ecua emee opaete mbaembae renoi vae corepoti re, jare emee corepoti paravete vae reta pe, jare reicocatuta ara pe. Jayave eyu cherupíe —jei.

San Mateo 19:21 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 6:9

Echa körai arakae Noé: Noé ko jae metei kuimbae jupi vae, ikavi jembiapo opaete vae reta güi jókuae ara rupi; oiko Tumpa jemimbota rupi kavi.

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

SALMOS 37:37

Emae jupi oiko vae re, echa oime yerovia katu jókuae kuimbae mbɨakatu rupi oiko vae pe.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 19:20

Jayave kuimbae jei Jesús pe: —Chetaɨrusu güive aiko opaete kuae mborookuai reta jeigüe rupi. ¿Mbae ye pa oata cheve ayapo vaerä?

San Mateo 19:22

Ërei kuae oendu yave taɨrusu vae ojo ipɨatɨtɨ reve. Echa oikokatu yae ko.

San Mateo 19:28

Jayave Jesús jei jemimboe reta pe: —Añete che jae peve, che Kuimbaerä ayeapo vae aguapɨ yave cheyemboetea, mborookuaía pegua pe, pe reta peyu cherupíe vae peguapɨta vi doce guapɨa pe, pejäa vaerä doce ñemuña Israel pegua reta.

San Mateo 4:19

Jare Jesús jei chupe reta: —Peyu cherupíe, jare che poapota peyeporaka vaerä ïru vae reta re.

San Mateo 5:48

Jáeramo, peyapo ikavi vaeño, peRu ara pe oï vae oyapo rami.

San Mateo 8:22

Ërei Jesús jei chupe: —Eyu cherupíe. Emaeño toñotɨ kuri tekove opambae vae mbaetɨ güɨnoi vae reta.

San Mateo 9:9

Jare Jesús joko güi ojo yave, oecha metei kuimbae Mateo jee vae oguapɨ oï mburuvicha peguarä okovara ñogüɨnoia pe, jare jei chupe: —Eyu cherupíe. Jayave jae opüa jare ojo jupíe.

San Marcos 10:21

Jesús omae jese oiparareko oaɨu yae reve, jare jei chupe: —Metei mbae oata ndeve: Ekua emee opaete mbaembae renoi vae, jare jepɨgüe emee iparavete vae reta pe, jayave renoita mbaembae ara pe. Javoi eyu cherupíe, evoɨ ndekurusu.

San Marcos 2:14

Jare joko güi ojo yave, oecha Alfeo taɨ Leví jee vae oguapɨ oï mburuvicha peguarä okovara ñogüɨnoia pe, jare jei chupe: —¡Eyu cherupíe! Jayave Leví opüa, jare ojo jae jupíe.

San Marcos 8:34

Jare Jesús oenɨi jemimboe reta jare ïru joko pe ñogüɨnoi vae reta. Jayave jei chupe reta: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tojo cherupíe.

San Lucas 12:33

Pemee pembaembae, jare jepɨgüe pemee paravete vae reta pe. Körai peyapo yave, penoita mbaeyekou opambae vae ara pe, imonda vae reta oikembaea pe jare kupii güɨrokomeguambaea pe.

San Lucas 14:33

Jökorai vi, oime yave kia pepɨte pe opaete imbaembae mbaetɨ oeya vae, ngaraa ipuere oiko cheremimboerä.

San Lucas 16:9

Che jae peve peiporu vaerä pembaembae kuae ɨvɨ pegua peyapo vaerä vɨa-ïru retarä. Echa oata ma pembaembae yave, jae reta pemboresiveta tëta opambae vae pe.

San Lucas 18:22

Jesús kuae oendu yave, jei chupe: —Oimeño mbae oata ndeve. Emee opaete mbaembae renoi vae, jare jepɨgüe emee paravete vae reta pe, jayave renoita mbaembae ara pe. Javoi eyu cherupíe.

San Lucas 5:27

Jayave Jesús oë yave oecha mburuvicha peguarä okovara vae Leví jee vae oguapɨ oï jae reta okovaraa pe, jare jei chupe: —Eyu cherupíe.

San Lucas 6:40

Metei oyemboe vae mbaetɨi ko oyapɨraa imboea. Ërei oyemboe kavi yae yave, oikuaa yaeta imboea rami.

San Lucas 9:23

Jayave Jesús jei opaete vae pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu ara ñavo, jare tojo cherupíe.

San Juan 10:27

Chevecha reta oendu cheñee. Aikuaa chevecha reta, jare jae reta yogüɨraja cheraɨkue.

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

Hechos 2:45

Omee imbaembae reta, jare omboyao jepɨgüe mbaetɨ mbae güɨnoi vae reta pe.

Hebreos 10:34

Echa peiparareko tembipɨɨrɨru pe ñogüɨnoi vae reta. Jare ïru vae reta pembaembae opɨ̈ro pegüi yave, peiporara peyerovia katu reve. Echa peikuaa penoi ko ara pe mbaembae ikavigüe opambae.