San Mateo 18:8 - Biblia Guarani Tumpa Iñee

⁸ Jáeramo ndepo jare ndepɨ jovaicho oyapouka yave mbaeyoa ndeve, eyasɨa emombo ndeyeugüi. Echa jaekaviño ko renoi vaerä tekove ndepo jovaichombae reve ani ndepɨ jovaichombae reve, tata guasu opambae vae pe mókoi ndepo reve ani mókoi ndepɨ reve reo vaerägüe güi.

Nuevo Testamento Guaraní Pe

⁸ Jae rambue ndeporovaicho ani ndepɨrovaicho oyapouca mbaeyoa ndeve yave, eyasɨa emombo ndeyeugüi. Icavi co tecove opa mbae vae renoi vaera ndeporovaicho mbae reve ani ndepɨrovaicho mbae reve, tata guasu opa mbae vae pe mócoi ndepo reve ani mócoi ndepɨ reve Tumpa nemondo vaera tei güi —jei—.

San Mateo 18:8 ပူးပေါင်းရင်းမြစ်များ

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

San Mateo 17:27

Ërei agüɨye vaerä yamboarasɨ, ekua epindapo ɨguasu pe. Jare tenonde pira renoe vae epopira iyuru. Joko pe reväeta metei reare irundɨ dracma pegua vae. Eraja emee okovara vae reta pe cheveguarä jare ndeveguarä.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Lucas 14:33

Jökorai vi, oime yave kia pepɨte pe opaete imbaembae mbaetɨ oeya vae, ngaraa ipuere oiko cheremimboerä.

San Lucas 16:24

Jayave osapúkai reve jei: Cheru Abraham, cheparareko. Embou Lázaro tomoäkɨ ipoäka ɨ pe omoröɨsa vaerä chekü. Echa aiporara yae aï kuae tata pe.

Romanos 13:12

Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.

Apocalipsis 14:10

jae jouta vi Tumpa iyarasɨ oyeambae etei oï kopa pe vae. Oiporara yaeta tata jare azufre araɨgua reta iyoambae jare Vecha kuimbae taɨrusu vae jóvai.”

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.