San Mateo 18:31 - Biblia Guarani Tumpa Iñee

³¹ Jare kuae oasa vae, ïru tembiokuai reta ombopɨatɨtɨ yae, jare yogüɨraja omombeu mburuvicha guasu pe opaete oasa vae regua.

Nuevo Testamento Guaraní Pe

³¹ Jare iru tembiócuai reta oicuaa yave oyeapo vae, ipɨatɨtɨ yae, jare yogüɨraja omombeu mburuvicha guasu pe opaete oyeapo vae regua —jei—.

San Mateo 18:31 ပူးပေါင်းရင်းမြစ်များ

GÉNESIS 37:2

Jae ko kuae Jacob iñemuña reta yogüɨreko vae regua. José diecisiete año güɨnoi yave oyangarekose vecha reta re tɨkeɨ reta ndive; jare kuae kunumi oikose tu jembireko Bilha jare Zilpa imembɨraɨe reta ndive; jare José imiarise tu pe, tɨkeɨ reta jeko kavimbae re.

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

SALMOS 119:158

Aecha yave iñeereendumbae reta chearasɨ, echa mbaetɨi oyapo reta neñee.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

San Mateo 14:9

Jayave mburuvicha guasu ipɨatɨtɨ. Ërei oñererökuavee Tumpa jee re chupe ramo, jare mesa pe ñogüɨnoi jae ndive vae reta oendu ramo, oporookuai oñemee vaerä chupe.

San Mateo 18:28

Ërei jókuae tembiokuai oë güire, oväe iñeïru tembiokuai mbovɨño korepoti re ipía chupe vae. Jayave jae oyaseopɨɨ jare jei chupe: ‘¡Emboepɨ cheve ndepía!’

San Mateo 18:30

Ërei jae mbaetɨ ipɨaguasu chupe. Oñoñauka tembipɨɨrɨru pe opa regua omboepɨ ipía.

San Mateo 18:32

Jayave mburuvicha guasu oenɨi jókuae jembiokuai, jare jei chupe: ‘Tembiokuai ikavimbae vae.’ Che cheɨ̈ro ndeve opaete ndepía, nde chemoñera jese ramo.

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

San Lucas 14:21

Jayave tembiokuai ou ye iya pe jare omombeu chupe opaete kuae regua. Jayave iya iyarasɨ reve jei jembiokuai pe: “Ekua jarembae voi opaete oka guasu jare kaye rupi, jare eru kuae pe paravete vae reta, ipo jovaichombae reta, iköcho vae reta jare jesambae vae reta.”

San Lucas 19:41

Jare Jesús köiño ma ou Jerusalén güi yave, oecha jare oäpiro,

Romanos 12:15

Pevɨa katu, ovɨakatu vae reta ndive. Peyaeo, oyaeo vae reta ndive.

2 Corintios 11:21

Yepe tëi chemara jae vaerä, ¡ore reta mbaetɨ orepuere jökorai roiko! Ërei ïru vae reta oipoɨuä oyemboete yave, che vi ayemboete aipoɨumbae reve yepe tëi mbokere.

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

Hebreos 13:3

Pemaendúa tembipɨɨrɨru pe ñogüɨnoi vae reta re, peï vi jae reta ndive rami. Pemaendúa vi oyererekoasɨ katu vae reta re, pe reta etei vi peiporara peï rami.