San Mateo 18:17 - Biblia Guarani Tumpa Iñee

¹⁷ Jare mbaetɨ oipota yave oyeapɨsaka jese reta ave, emombeu Tumpa jembiparavo reta pe. Ërei nerëtara mbaetɨ oipota oyeapɨsaka jókuae reta re ave yave, emae jese metei judiombae rami ani mburuvicha peguarä okovara vae rami.

Nuevo Testamento Guaraní Pe

¹⁷ Jare mbaeti yave oipota oyeapɨsaca jese reta, emombeu oporogüɨrovia vae reta pe. Erei nderɨvɨ mbaeti yave oipota oyeapɨsaca oporogüɨrovia vae reta re, emae jese metei judío mbae vae rami ani mburuvicha peguara ocovara vae rami —jei—.

San Mateo 18:17 ပူးပေါင်းရင်းမြစ်များ

ESDRAS 6:21

Jou reta tembíu Pascua pegua Israel iñemuña reta tembipɨɨ güi oyerova ye vae, opaete jókuae oyembosɨrɨ kuimbae ɨvɨ ipo jeko kavimbae reta güi vae ndive, omboete reta vaerä yandeYa, Israel iTumpa.

EZEQUIEL 11:12

Jayave pe reta chekuaata che ko jae peYa vae. Pe reta mbaetɨ peiko cheporookuai rupi, mbaetɨ peyapo, ërei pemomoe tëtaguasu reta peɨ́vɨri yogüɨreko vae jeko.’ ”

San Mateo 10:3

Felipe, Bartolomé, Tomás, Mateo mburuvicha peguarä okovara vae, Alfeo taɨ Jacobo jee vae, Lebeo (Tadeo jee vae),

San Mateo 11:19

Che Kuimbaerä ayeapo vae ayu, jare che akaru jare jau vino. Jare jei reta chekotɨ körai: ‘Mase, jae ikaru yae jare jou vino. Jae ko mburuvicha peguarä okovara vae reta jare ikavimbae iyapoa reta ivɨa-ïru.’ Ërei Tumpa iyarakuaa oyekuaa opaete oyeapogüe rupi.”

San Mateo 5:46

Echa peaɨu yave peraɨu vae retaño, ¿mbae pa Tumpa omeeta peve? Echa mburuvicha peguarä okovara vae reta oyapo vi jökorai.

San Mateo 6:7

Jare reyerure yave, agüɨye eyerure judiombae vae reta oyerure rami. Echa jae reta jekuaeño omboaɨkuere yeyé jei metei vaeño. Güɨrovia jökorai iyerure oenduta Tumpa chupe reta.

San Lucas 15:1

Jayave oyemboatɨ Jesús oïa pe opaete mburuvicha peguarä okovara vae reta jare jeko ikavimbae vae reta.

San Lucas 18:11

Fariseo oyemboɨ jare oyerure oyembotuicha reve körai: ‘Cheru Tumpa, amee yasoropai ndeve. Echa che mbaetɨ aiko ïru kuimbae reta rami. Jókuae reta imonda, mbaetɨ jupi, oyapo aguasa. Mbaetɨ vi che kuae mburuvicha peguarä okovara vae rami.

1 Corintios 5:9

Aikuatía ma peve, agüɨye vaerä peñemoïru iyaguasa pota vae reta ndive;

1 Corintios 6:1

Kia nunga vae pepɨte pe omboeko ïru vae mbae re yave, ¿maera pa oñeapo jese oporogüɨroviambae reta pe? ¿Maera pa mbaetɨ oñeapo jese oporogüɨrovia vae reta pe?

2 Tesalonicenses 3:6

Cherɨvɨ reta, añave poyókuai yandeYa Jesucristo jee re, peyembosɨrɨ vaerä oipotagüe oporogüɨrovia vae oikoiño vae güi, jókuae mbaetɨ oipota oiko mboromboe roikuaauka peve vae re vae.

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

JOSUÉ 22:15

Opaete kuae reta yogüɨraja Galaad kotɨ, Rubén jare Gad iñemuña reta jare Manasés iñemuña reta oyemboyaogüe ñogüɨnoia pe, jare omomiari reta jei reta reve: