San Mateo 18:12 - Biblia Guarani Tumpa Iñee

¹² Mase, metei kuimbae güɨnoi cien vecha, ërei metei vecha okañɨ yave, ¿ngaraa pa kuimbae oeya jókuae noventa y nueve ivecha reta, jare ojo ɨvɨtɨ guasu rupi oeka jókuae ivecha okañɨgüe vae?

Nuevo Testamento Guaraní Pe

¹² Peñemongueta cuae re. Oime yave metei cuimbae cien vecha güɨnoi vae, metei vecha ocañɨ yave, cuimbae oeya jocuae noventa y nueve vecha reta ojo ɨvɨtɨ reta rupi oeca ocañɨ vae —jei—.

San Mateo 18:12 ပူးပေါင်းရင်းမြစ်များ

1 REYES 21:17

Jayave yandeYa imiari Elías, Tisbe pegua pe, jei reve:

SALMOS 119:176

Akañɨ aiko, vecha okañɨgüe rami, ¡eyu chereeka che nderembiokuai, echa mbaetɨ cheakañɨ ndeporookuai reta güi!

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

JEREMÍAS 50:6

Tëta chembae vae vecha okañɨgüe rami ko, mbaetɨ güɨroata kavi iyangarekoa reta, omaeño okañɨ reta ɨvɨtɨ rupi. Opa yogüɨraja ɨvɨtɨ reta rupi, iñakañɨ regua jókai güi.

EZEQUIEL 34:12

Vecha iyangarekoa oikuaa ivecha reta oñemoai ñogüɨnoi chugüi yave vae rami, jökorai aikuaata chevecha reta, aruta oipota rupi oñemoai ñogüɨnoia rupi güi, jasɨ katu ñogüɨnoi yave opa oñemoai vae.

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

EZEQUIEL 34:28

Tëtaguasu reta ketɨgua ngaraa ma oyemombae ye jese reta, mbaeporou reta ñana rupi ave ngaraa ma jou; yogüɨreko pɨagüiveta, ngaraa ma kia omongɨɨye.

EZEQUIEL 34:4

Mbaetɨ pemborɨ vecha ipɨtu vae, mbaetɨ vi peipoano imbaerasɨ vae, mbaetɨ peyokua ipɨ opë vae, jopa vae mbaetɨ peru jókai pe, okañɨgüe mbaetɨ peeka, perekoasɨ katu reta, mbaetɨ peyangareko kavi jese.

EZEQUIEL 34:6

Opa jopa reta, oguata reta opaete ɨvɨtɨ reta ɨvate vae rupi; chevecha reta opa oñemoai opaete ɨvɨ rupi, jare mbaetɨ kia ojo oeka reta, ani oparandu yepe jese reta.

San Mateo 12:11

Jayave Jesús jei chupe reta: —Metei kuimbae pegüi reta güɨnoi yave metei vecha, jare jókuae vecha oa ɨvɨkua pe ara mbutuu pe yave, ¿güɨnoeä pa jókuae ɨvɨkua güi?

San Mateo 18:13

Jare oväe chupe yave, añete, oyerovia tai ko jókuae vecha re, noventa y nueve vecha mbaetɨ okañɨ ñogüɨnoi vae güi.

San Mateo 21:28

Jei ye chupe reta: —¿Mbae pa peyemongeta kuae re? Metei kuimbae güɨnoi mókoi taɨ reta. Ou jei metei taɨ tenondegua pe: “Cheraɨ, kuae ara ekua eparavɨkɨ cheuvarupa pe.”

San Mateo 22:42

—¿Mbae pa peyemongeta Cristo re? ¿Kia iñemuña pegua pa? Jare jae reta jei chupe: —David iñemuña reta pegua.

1 Corintios 10:15

Kuae jae peve, pe iyarakuaa vae reta pe. Pe reta etei peecha añete ra kuae che jae peve vae.

1 Pedro 2:25

Echa opaete pe reta peropa yepi vecha reta jopa rami, ërei añave peyerova ye ma Oyangareko vae jare Omae peré vecha re rami vae kotɨ.