San Mateo 18:10 - Biblia Guarani Tumpa Iñee

¹⁰ Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

Nuevo Testamento Guaraní Pe

¹⁰ Agüɨye peroɨro metei cuae nunga michia. Che jae peve, ara pe araɨgua oñangareco cuae nunga michia reta re vae reta jecuaeño ñogüɨnoi cheRu ara pe oi vae jóvai —jei—.

San Mateo 18:10 ပူးပေါင်းရင်းမြစ်များ

2 SAMUEL 14:28

Mókoi año oiko Absalón Jerusalén pe, jare mbaetɨ ipuere oecha mburuvicha guasu,

1 REYES 22:19

Micaías jei ye vi: —Eyeapɨsaka yandeYa jeigüe re: Che aecha yandeYa oguapɨ oï iporookuaía pe, jare opaete iaraɨgua reta ñogüɨnoi iyɨ́vɨri, iyakatu kotɨ jare iyasu kotɨ.

ESTER 1:14

jare ñogüɨnoi päve jae ndive Carsena, Setar, Admata, Tarsis, Meres, Marsena, jare Memucán, chiu mburuvicha reta Persia pegua jare Media pegua, mburuvicha guasu ndive etei oguapɨ, mborookuaía pe vae reta.

SALMOS 15:4

omotareɨ omae, oñemotareɨuka vae re vae, ërei güɨnoi mboromboete jókuae Tumpa güi oipoɨu vae re; ombopo avei iñee, yepe tëi yavai, mbaetɨ oipoepɨ iyemongeta.

SALMOS 17:15

Ërei che, roechata jupi rupi aiko ramo, ¡chepɨakatuta apɨta chemomba ma yave!

SALMOS 34:7

YandeYa iaraɨgua oiko, oipoɨu chugüi vae reta iyɨ́vɨri jare oepɨ.

SALMOS 91:11

Ombouta iaraɨgua ndeve, neovatu vaerä opaete reoa rupi.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

ZACARÍAS 4:10

“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.” Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”

San Mateo 1:20

Ërei kuae re oyemongeta ramboeve, metei araɨgua yandeYa pe oyeokuai vae oyekuaa chupe ipaɨu pe jare jei chupe: “José, David iñemuña pegua. Agüɨye eipoɨu emenda María ndive. Echa ipurúa ko Espíritu Santo imbaepuere rupi.

San Mateo 12:20

Ngaraa oakɨo täkuarasɨ opë pota ete ma vae. Ngaraa vi ombogüe mechero ogüe pota ete ma vae, ndei oporomoamɨri oporojäa vaerä mbove.

San Mateo 18:14

Jökorai ko peRu ara pe oï vae, mbaetɨ oipota kuae oporogüɨrovia ramo vae reta güi, okañɨ metei ave yepe.

San Mateo 18:6

“Kia nunga vae mbaemboavai oñono michia güɨrovia cheré vae pe vae, ikavi ko oñeapɨti iyayu re metei ita tuicha vae mburika pegua oyembaeso pɨpe vae, javoi oyemombo ɨguasu tɨpɨa pe.

San Mateo 2:13

Jare jókuae kuimbae reta yasɨtata re oyemboe vae reta yogüɨraja ma yave, metei araɨgua yandeYa pe oyeokuai vae oyekuaa José pe ipaɨu pe jare jei chupe: “Epüa, jare eraja michia jare ichɨ Egipto kotɨ. Pepɨta joko pe amombeu ye ndeve regua. Echa Herodes oekata michia Oyuka vaerä.”

San Mateo 2:19

Ërei Herodes omano ma yave, José Egipto pe oï ramboeve, metei yandeYa iaraɨgua oyekuaa José pe ipaɨu pe.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Lucas 1:19

Jayave araɨgua jei ye Zacarías pe: —Che ko jae Gabriel. Che jae Tumpa jembiokuai etei. Jae chembou chemiari vaerä ndeve jare amombeu vaerä ndeve kuae ñee ikavi vae.

San Lucas 10:16

Oyeapɨsaka peré vae oyeapɨsaka ko cheré. Ërei pereröɨro vae che ko chereröɨro. Jare chereröɨro vae chembou vae ko güɨröɨro.”

San Lucas 16:22

Jare metei ara jókuae kuimbae paravete vae omano, jare araɨgua reta güɨraja Abraham oïa pe. Jare kuimbae oikokatu vae omano vi jare oñotɨ reta.

Hechos 10:3

Kuae kuimbae oecha kavi ipaɨu pe metei Tumpa iaraɨgua oike jae oïa pe mboapɨ ora ma kaaru yave. Araɨgua jei chupe: “¡Cornelio!”

Hechos 12:15

Ërei jae reta jei chupe: —¡Rereiño ete ma! Ërei jae jeiete jei añete ko vae. Jayave jae reta jei: —¡Araɨgua oyangarekose jese vae ko!

Hechos 12:23

Jare jupiveiño metei yandeYa iaraɨgua omombaerasɨ Herodes, echa mbaetɨ omboeteuka Tumpa. Jare taso opa jou jökorai omano.

Hechos 27:23

Echa pɨare oyekuaa cheve metei Tumpa iaraɨgua. Jókuae Tumpa imbae ko che jare chupe ayeokuai.

Hechos 5:19

Ërei pɨ̈tu yave metei yandeYa iaraɨgua oipea tembipɨɨrɨru jöke reta, jare güɨnoe ikatu pe, jei chupe reta:

Romanos 14:10

Nde ¿maera pa reyangao jayave nerëtara?, jare nde ¿maera pa reporogüɨröɨro? Echa opaete yande yayemboɨta Cristo jóvai, ñanejäa vaerä.

Romanos 14:21

Ikavi ko agüɨye reu soo, ani vino, ani oipotagüe mbae ïru oporogüɨrovia vae ipuere ombogüɨapi, omboarasɨ ani ombopɨtu vae.

Romanos 15:1

Jayave yande ñanepɨ̈rata yandeporogüɨrovia pe vae, yaropɨa ipɨtu iporogüɨrovia pe vae reta, jare agüɨye yandeño yayemboyerovia.

1 Corintios 11:22

¿Mbaetɨ pa pero pekaru jare peɨu vaerä joko pe? ¿Maera pa peröɨro oporogüɨrovia vae reta Tumpa imbae reta jare pemomarai mbaetɨ etei mbae güɨnoi vae reta? ¿Mbae pa jaeta peve? ¿Pomboeteta ra jókuae re? ¡Ngaraa ko!

1 Corintios 16:11

Jáeramo agüɨye kia togüɨröɨro. Ërei outa yave chekotɨ, pemborɨ ou vaerä chekotɨ ipɨakatu reve echa aipota jae ou vaerä chépɨri ïru yanderɨvɨ reta jupíe.

1 Corintios 9:22

Mbaetɨ ipɨ̈rata iporogüɨrovia pe vae reta ndive aï yave, che aiko vi jae reta rami, jae reta vi güɨrovia vaerä Cristo re. Ayeapo opaete vae pe jae reta rami, opaete vae oyemboasauka vaerä.

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

2 Corintios 10:10

Echa amogüe vae jei, cherembikuatía ipoɨ yae jare yavai oyeapo vaerä, jare che etei aï ípɨri yave mbaeä etei jare cheñee mbegüe.

Gálatas 6:1

Cherɨvɨ reta, oime yave kia oyepokouka mbae ikavimbae vae oyapo yave vae, pe reta peguata kavi Tumpa kotɨ vae peñono kavi peñemomichi reve. Peyeandu reve, agüɨye vaerä pe vi peyapo mbae ikavimbae vae.

1 Tesalonicenses 4:8

Jáeramo, kia güɨröɨro yave oreporomboe, güɨröɨro ko Tumpa, jókuae omee yandeve Espíritu Santo vae.

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Hebreos 9:24

Cristo oike ma ara pe etei Tumpa jóvai, oyerure vaerä yanderé, mbaetɨ oike mbaemboetea oyeapogüe pe, echa jókuae mbaemboetea ko oyembojaanga añetete pegua ara pegua re;

Apocalipsis 8:2

Jare aecha jókuae chiu araɨgua Tumpa jóvai oyemboɨ ñogüɨnoi vae reta. Jare oñemee chupe reta chiu mimbɨguasu.