San Mateo 17:20 - Biblia Guarani Tumpa Iñee

²⁰ Jare Jesús chupe reta: —Michi yae peporogüɨrovia ramo. Añete che jae peve, peporogüɨrovia mostaza jäɨ rami mona yave. Pepuereta pere kuae ɨvɨtɨ guasu pe: “Esɨrɨ kuae güi pea pe”, jare ojota ko. Jare ngaraa mbae yavai peve.

Nuevo Testamento Guaraní Pe

²⁰ —Mbaeti peporogüɨrovia rambue —jei Jesús chupe reta—. Añete che jae peve, güɨramoi peporogüɨrovia michi yae metei mostaza jaɨgüe michi yae rami. Erei jocuae nunga mborogüɨrovia penoi yave, pepuereta pere cuae ɨvɨtɨ pe: Ecua cuae güi epɨta joco pe, jare ojota co. Ngaraa mbae yavai peve —jei—.

San Mateo 17:20 ပူးပေါင်းရင်းမြစ်များ

San Mateo 13:31

Jesús jekuae imiari ye ombojaanga reve, jei: “Araɨgua mborookuaía, metei mostaza jäɨgüe kuimbae güɨraja oñotɨ iko pe vae rami ko.

San Mateo 14:29

Jare Jesús jei chupe: —¡Eyu! Jayave Pedro ogüeyɨ barco raɨ güi, jare omboɨpɨ oguata ɨ iárambo rupi ojo vaerä Jesús kotɨ.

San Mateo 17:17

Jayave Jesús jei: —Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Mateo 17:19

Jayave Jesús jemimboe reta yogüeru jae oïa pe oparandu chupe, jae retaño ñogüɨnoi yave: —¿Maera pa ore orepuereä rombosɨrɨ jókuae aña?

San Mateo 17:9

Jare ɨvɨtɨ guasu güi ogüeyɨ yogüeru ramboeve, Jesús oyókuai reta jei: —Agüɨye pemombeu kia pe ave kuae peecha vae, che Kuimbaerä ayeapo vae ndei aikove ye omanogüe vae reta ipɨte güi mbove.

San Mateo 21:21

Jayave Jesús jei chupe reta: —Añete che jae peve, peporogüɨrovia yave, ngaraa peyapo che ayapo ɨva pe vaeño, pere yave ɨvɨtɨ guasu pe: “Esɨrɨ kuae güi, ea ɨguasu pe.” Jökoraita ko oyeapo.

San Mateo 8:26

Jayave Jesús jei chupe reta: —¡Michi iporogüɨrovia vae reta! ¿Maera pa pekɨɨye? Jayave opüa jare oñeengata ɨvɨtu jare ɨguasu pe. Jare opaete voi kïrii ngatu opɨta.

San Marcos 11:22

Jesús jei jemimboe reta pe: —Perovia Tumpa re.

San Marcos 11:23

Añete che jae peve, kia jei yave kuae ɨvɨtɨ pe: “Esɨrɨ kuae güi, ea ɨguasu pe”, güɨrovia reve ipɨa pe vae pe, oyeapota ko. Oipotagüe mbae jei vae oyeapota ko chupe.

San Marcos 4:31

Yandepuere yambojaanga metei mostaza jäɨgüe re. Yepe tëi jäɨgüe michi yae opaete ïru temitɨ reta jäɨgüe ɨvɨ pe oï vae güi.

San Marcos 9:23

Jayave Jesús jei chupe: —Nde rerovia ko yave, echa opaete oporogüɨrovia vae pe mbaetɨ mbae yavai.

San Lucas 1:37

Tumpa pe mbaetɨ etei ko mbae yavai vae.

San Lucas 17:6

Jayave yandeYa jei: —Peporogüɨrovia michi yae metei mostaza jäɨgüe michi yae rami yave mona, pepuereta pere kuae ɨvɨra sicómoro jee vae pe: Esɨrɨ kuae güi ekua ɨguasu pe, jare ɨvɨra oyapota pere vae.

San Lucas 18:27

Jayave Jesús jei chupe reta: —Yavai yae ɨvɨ pegua reta pe vae, Tumpa pe mbaetɨ ko.

San Juan 11:40

Jesús jei chupe: —Amombeu ma ndeve rerovia yave, reechata Tumpa iyemboetea.

1 Corintios 12:9

Ïru vae pe omee mborogüɨrovia, ïru vae pe omee oporombogüera vaerä.

1 Corintios 13:2

Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta. Ërei mbaetɨ aporoaɨu yave, mbaeä ko che.

Hebreos 3:19

Jare yaikuaa jae reta mbaetɨ ko ipuere oike Canaán pe, mbaetɨ güɨrovia reta Tumpa ramo.