San Mateo 17:18 - Biblia Guarani Tumpa Iñee

¹⁸ Jayave Jesús oñeengata aña pe, jare aña oë kunumi güi. Jare jupiveiño okuera.

Nuevo Testamento Guaraní Pe

¹⁸ Jayave Jesús oñeengata aña pe, jare aña ojo cunumi güi. Jare jupiveiño cunumi ocuera.

San Mateo 17:18 ပူးပေါင်းရင်းမြစ်များ

San Mateo 12:22

Jayave güeru reta Jesús oïa pe metei kuimbae jesambae, iupa, aña oya jese vae. Jare Jesús ombogüera. Jökorai jókuae kuimbae omae jare imiari.

San Mateo 15:28

Jayave Jesús jei chupe: —¡Kuña!, tuicha yae ko ndeporogüɨrovia. Toyeapo ndeve nde reipota rami. Jare jupiveiño jókuae kuña imemɨkuña okuera.

San Mateo 17:17

Jayave Jesús jei: —Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Mateo 17:19

Jayave Jesús jemimboe reta yogüeru jae oïa pe oparandu chupe, jae retaño ñogüɨnoi yave: —¿Maera pa ore orepuereä rombosɨrɨ jókuae aña?

San Mateo 9:22

Ërei Jesús oyerova omae jese, jare jei chupe: —Eñemoäta ngatu cherayɨ. Rerovia cheré ramo rekuera. Jare jupivei jókuae kuña okuera.

San Marcos 1:34

Jare Jesús ombogüera jeta imbaerasɨ vae reta oipotagüe mbaerasɨ güi, jare ombosɨrɨ jeta aña reta oya jese vae reta güi. Jare mbaetɨ omaeño aña reta imiari. Echa jae reta oikuaa kia ko jae vae.

San Marcos 5:8

Echa Jesús jei ma aña pe: —Aña, esɨrɨ kuae kuimbae güi.

San Lucas 4:41

Jare aña reta osɨrɨ oya jese vae reta güi. Osapúkai reve jei: —Nde ko jae Tumpa Taɨ. Ërei Jesús oñeengata chupe reta. Mbaetɨ omaeño aña reta imiari. Echa jae reta oikuaa jae ko Cristo.

San Lucas 8:29

Echa Jesús jei aña osɨrɨ vaerä kuimbae güi, echa ɨma ma yepe oyemboiya jese. Oipokua reta tëi karena pe yave, opa omondoo karena reta, jare aña güɨraja ñuu kotɨ.

San Lucas 9:42

Jare kunumi ou ramboeve, aña oipɨaka jare omborɨrɨi yae. Ërei Jesús oñeengata aña pe; ombogüera kunumi jare omee ye tu pe.

Hechos 16:18

Jare mbovɨ ara rupi jökorai oyapo kuñatai. Kuae jae kaviä Pablo pe, jare jae oyerova jei aña pe: —Jesucristo jee re royókuai: ¡Esɨrɨ chugüi! Jare jupiveiño aña osɨrɨ chugüi.