San Mateo 16:19 - Biblia Guarani Tumpa Iñee

¹⁹ Ameeta ndeve mbaepuere reipea vaerä araɨgua mborookuaía opaete reñapɨti ɨvɨ pe vae, oñeapɨtita vi ara pe. Jare opaete reyora ɨvɨ pe vae, oyeyorata vi ara pe.

Nuevo Testamento Guaraní Pe

¹⁹ Jare ameeta ndeve mboroocuaia ara pegua illave reta. Jare oime yave mbae ɨvɨ pe reñapɨtita vae, Tumpa vi oñapɨtita ara pe. Jae ramiño vi oime yave mbae ɨvɨ pe reyorata vae, Tumpa vi oyorata ara pe —jei.

San Mateo 16:19 ပူးပေါင်းရင်းမြစ်များ

ISAÍAS 22:22

Jae ipo pe añonota David jo illave; mbaetɨta kia ipuere oyokenda jae oipeagüe, ani oipea jae oyokendagüe.

San Mateo 18:18

Añete che jae peve, peñapɨti yave kia ɨvɨ pe, ara pe oñeapɨtita vi, Jaeramiño vi oime yave kia ɨvɨ pe peyora vae, ara pe oyeyorata vi.

San Juan 20:23

Peɨ̈ro yave oipotagüe vae pe iyoa re, Tumpa omboaita ko iyoa. Jare peɨ̈roä yave oipotagüe vae pe iyoa re, iyoa ngaraa oyemboai.

Hechos 15:7

Jare jeta ma oyoaka yave, Pedro opüa jare jei chupe reta: —Tëtara reta, peikuaa katu ko kërai ɨma ma ko Tumpa cheparavo amoërakua vaerä judiombae vae reta pe ñee ikavi vae, jare jae reta güɨrovia vaerä.

2 Corintios 2:10

Pe reta peɨ̈ro yave kia pe mbae re, che vi cheɨ̈ro chupe. Echa cheɨ̈ro chupe, oime mbae re cheɨ̈ro vaerä yave, cheɨ̈ro ko chupe peré Cristo jóvai,

1 Tesalonicenses 4:8

Jáeramo, kia güɨröɨro yave oreporomboe, güɨröɨro ko Tumpa, jókuae omee yandeve Espíritu Santo vae.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 11:6

Kuae mókoi reve güɨnoi mbaepuere ara re agüɨye vaerä okɨ opaete ara reta Tumpa iñee omoërakua reta ramboeve. Jaeramiño vi güɨnoita mbaepuere ɨ re oyapo vaerä tugüɨrä. Jaeramiño vi güɨnoita mbaepuere oiporarauka vaerä ɨvɨ pegua reta pe oipotagüe tembiporara jae reta ikɨ̈reɨ oyapo rupi.

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

Apocalipsis 9:1

Jayave araɨgua pandepoa omoñee mimbɨguasu, jare aecha metei yasɨtata oa ara güi ɨvɨ pe; jare oñemee chupe ɨvɨkua guasu illave.