San Mateo 16:13 - Biblia Guarani Tumpa Iñee

¹³ Jesús ojo oväe tëta guasu Cesarea Filipo iɨvɨ kotɨ yave, oparandu jemimboe reta pe: —¿Kia pa che Kuimbaerä ayeapo vae ïru vae reta pe?

Nuevo Testamento Guaraní Pe

¹³ Jare Jesús coiño ma ojo ovae tenta Cesarea Filipo güi. Jayave oparandu jemimboe reta pe: —¿Quia pa co che cuimbaera ayeapo vae iru vae reta pe?

San Mateo 16:13 ပူးပေါင်းရင်းမြစ်များ

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

San Mateo 12:32

Oipotagüe kia jei ikavimbae che Kuimbaerä ayeapo vae kotɨ vae pe, Tumpa iñɨ̈rota. Ërei oime yave kia jei ikavimbae yae Espíritu Santo kotɨ vae pe, Tumpa ngaraai iñɨ̈ro añave jare jekuae avei rupi.

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.

San Mateo 12:8

Echa che Kuimbaerä ayeapo vae, anoi ko mbaepuere ara mbutuu re.

San Mateo 13:37

Jayave Jesús jei chupe reta: “Temitɨ ikavi vae oñotɨ vae, oyembojaanga che Kuimbaerä ayeapo vae re.

San Mateo 13:41

Che Kuimbaerä ayeapo vae ambouta chearaɨgua reta, omboatɨ reta vaerä opaete iyoa vae reta jare ikavimbae iyapoa reta cheporookuaía güi.

San Mateo 15:21

Jayave Jesús oë ojo joko güi Tiro jare Sidón iɨvɨ kotɨ.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 16:28

Añete che jae peve, ndei amogüe kuae pe ñogüɨnoi vae omano mbove, chereechata che Kuimbaerä ayeapo vae ayu araɨgua mborookuaía ndive.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Mateo 8:20

Jesús jei chupe: —Aguara reta oime ikua, jare güɨra reta oime jaitɨ. Ërei che Kuimbaerä ayeapo vae mbaetɨ anoi kia pe aputuu vaerä ave.

San Mateo 9:6

Ërei aipota peikuaa: Che Kuimbaerä ayeapo vae anoi mbaepuere cheɨ̈ro vaerä mbaeyoa reta re kuae ɨvɨ pe. Jayave jei kuimbae jete jëogüe vae pe: —Epüa evoɨ nderupa, jare ekua nerëta pe.

San Marcos 10:45

Echa che Kuimbaerä ayeapo vae ayu ko ayeokuai vaerä ïru vae reta pe. Mbaetɨ ayu ïru vae reta oyeokuai vaerä cheve. Ayu amano vaerä, jeta vae reta aepɨ vaerä.

San Marcos 8:38

Echa añave rupigua iyoa vae reta jare ikavimbae iyapoa reta güi imara cheré jare cheñee re vae, che Kuimbaerä ayeapo vae aromarata vi, ayu ye yave cheRu iyemboetea reve araɨgua oñeñono tee Tumpa peguarä vae reta ndive.

San Juan 1:51

Añetete che jae ndeve, reechata ara oyepea oï, jare reechata vi Tumpa iaraɨgua reta oyeupi jare ogüeyɨ che Kuimbaerä oyeapo vae re.

San Juan 12:34

Jayave jae reta jei Jesús pe: —Mborookuai pe oyekuatía oï vae omombeu oreve Cristo oikoño mai ko. ¿Mbae pa rere jókuae Kuimbaerä oyeapo vae oupita retata ko vae? ¿Kia pa ko jókuae Kuimbaerä oyeapo vae?

San Juan 3:14

Moisés arakae oupi mboi iä ɨvɨra re ñuu pe rami, jökoraitai ko ïru vae reta chereupi,

San Juan 5:27

Omee vi cheve mbaepuere aporojäa vaerä, che Kuimbaerä ayeapo ramo.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 7:56

Jayave Esteban jei: —¡Mase! Aecha ara oyepea oï, jare aecha vi Kuimbaerä oyeapo vae oï Tumpa iyakatu kotɨ.