San Mateo 15:31 - Biblia Guarani Tumpa Iñee

³¹ Jáeramo joko pe jeta vae reta ipɨakañɨ. Echa oendu iupa vae reta imiari, jare oecha ipo jovaichombae reta okuera, jare iköcho vae reta oguata kavi, jare jesambae vae reta omae. Jare opaete vae omboete Israel iTumpa.

Nuevo Testamento Guaraní Pe

³¹ Jae rambue joco pe yatɨ vae reta ipɨacañɨ. Echa oendu iupa vae reta iñee, jare oecha iporovaicho mbae vae reta ocuera, jare icocho vae reta oguata cavi, jare jesa mbae vae reta omae. Jare opaete vae omboete Israel pegua reta iTumpa.

San Mateo 15:31 ပူးပေါင်းရင်းမြစ်များ

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

GÉNESIS 33:20

Jaɨkue rupi omopüa mɨmba oyeyuka oyeapɨ jese vae, jare ombojee El-Elohe-Israel.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

ÉXODO 24:10

jare joko pe oecha reta Israel iTumpa; oecha reta ipɨ igüɨ pe ipe kavi, ita zafiro jee vae jembipeasɨ rami vae, ara jembipeasɨ oï rami etei vae.

San Mateo 15:30

Jare jeta vae yogüeru jae oïa pe. Güeru reta iköcho vae reta, jesambae reta, iupa vae reta, jare ipo jovaichombae vae reta, jare jeta ïru imbaerasɨ vae reta; oñono reta Jesús jóvai, jare jae ombogüera.

San Mateo 18:8

Jáeramo ndepo jare ndepɨ jovaicho oyapouka yave mbaeyoa ndeve, eyasɨa emombo ndeyeugüi. Echa jaekaviño ko renoi vaerä tekove ndepo jovaichombae reve ani ndepɨ jovaichombae reve, tata guasu opambae vae pe mókoi ndepo reve ani mókoi ndepɨ reve reo vaerägüe güi.

San Mateo 21:14

Jare yogüeru Jesús oïa pe tupao pe jesambae vae reta jare iköcho vae reta, jare jae ombogüera reta.

San Mateo 8:10

Jare Jesús kuae oendu yave, ipɨakañɨ yae, jare jei yogüɨraja jupíe vae reta pe: —Añete che jae peve, mbaetɨ kuae nunga mborogüɨrovia tuicha vae aväe Israel pe ave.

San Mateo 9:32

Jare jesambae okuera vae reta yogüɨraja ma yave, ïru vae reta güeru Jesús oïa pe metei kuimbae iupa vae, aña oya jese vae.

San Mateo 9:33

Jare Jesús ombosɨrɨ aña chugüi rupive, iupa vae omboɨpɨ imiari. Jare jeta vae reta ipɨakañɨ reve jei: —Mbaetɨi oyeecha kuae nunga Israel pe.

San Mateo 9:8

Ërei jeta joko pe ñogüɨnoi vae reta oecha yave ipɨakañɨ, jare omboete reta Tumpa, mbaepuere tuicha vae omee kuimbae reta peguarä Jesús rupi.

San Marcos 2:12

Jayave kuimbae opüa jupivei, ovoɨ jupa jare oë ojo opaete joko pe ñogüɨnoi vae reta jovake. Jare opaete vae ipɨakañɨ jare omboete reta Tumpa jei reve: —Mbaetɨi yaecha kuae nunga.

San Marcos 7:37

Jae reta ipɨakañɨ yae reve jei: “Opaete mbaembae oyapo vae ikavi yae ko. Ombogüera iyapɨsambae, jare ombogüera vi iñeembae reta.”

San Marcos 9:43

Ndepo jovaicho oyapouka yave mbaeyoa ndeve, eyasɨa ndeyeugüi. Jaekaviño ko tekove opambae vae renoi vaerä metei ndepo ndiveño, tata guasu opambaea pe mókoi ndepo reve reo vaerägüe güi.

San Lucas 14:13

Ërei reipota yave reporomongaru, eparea paravete vae reta pe, ipo jovaichombae reta pe, iköcho vae reta pe jare jesambae vae reta pe.

San Lucas 14:21

Jayave tembiokuai ou ye iya pe jare omombeu chupe opaete kuae regua. Jayave iya iyarasɨ reve jei jembiokuai pe: “Ekua jarembae voi opaete oka guasu jare kaye rupi, jare eru kuae pe paravete vae reta, ipo jovaichombae reta, iköcho vae reta jare jesambae vae reta.”

San Lucas 18:43

Jupivei omae, jare ojo Jesús jupíe omboete reve Tumpa. Jare opaete joko pe ñogüɨnoi vae reta kuae oecha yave, omboete Tumpa.

San Lucas 7:16

Jayave opaete vae okɨɨye. Omboete reta Tumpa, jei reve: —Ñeemombeúa tuichagüe oyekuaa yandepɨte pe. Tumpa ou yandemborɨ, yande tëta imbae vae reta.

San Juan 9:24

Jayave judío reta oenɨi ye kuimbae tenonde yave jesambae oiko vae, jare jei reta chupe: —Ere Tumpa jee re oreve añete vae. Echa roikuaa kuae kuimbae iyoa vae ko.