San Mateo 15:24 - Biblia Guarani Tumpa Iñee

²⁴ Javoi Jesús jei: —Chembou ko Tumpa Israel pegua reta peño. Jókuae vecha okañɨ vae rami vae reta pe.

Nuevo Testamento Guaraní Pe

²⁴ Jayave Jesús jei: —Tumpa chembou Israel pegua reta peño. Jae reta vecha ocañɨ vae reta rami co —jei.

San Mateo 15:24 ပူးပေါင်းရင်းမြစ်များ

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

San Mateo 15:23

Ërei Jesús mbaetɨ etei mbae jei chupe. Jayave jemimboe reta oya jese, jei reta chupe: —Emondo ye kuae kuña. Echa osapúkai ou yanderaɨkue.

San Mateo 18:11

Echa che Kuimbaerä ayeapo vae ayu amboasa vaerä okañɨ Tumpa güi vae reta.

San Mateo 9:36

Ërei oecha yave jeta vae, oiparareko omae jese reta. Echa jae reta iyangarekoambae jare opa oñemoai moai, vecha iyangarekoambae rami.

Hechos 13:46

Jayave Pablo jare Bernabé imiari okɨɨyembae reve chupe reta. Jei reta: —Añete jaekavi ko romoërakua vaerä peve räri Tumpa iñee. Ërei peröɨro ma. Mbaetɨ ma peipota, jökorai peikuaauka oreve mbaetɨta penoi tekove opambae vae. Jáeramo añave romoërakuata judiombae vae reta pe.

Romanos 15:8

Echa che jae peve kuae: Cristo Jesús ou oyeokuai omborɨ vaerä judío reta, oikuaauka vaerä chupe reta Tumpa iñee añete vae. Echa jae ou oikuaauka vaerä Tumpa güɨrökuavee iñemuñagüe reta pe vae;