San Mateo 15:19 - Biblia Guarani Tumpa Iñee

¹⁹ Echa pepɨa güi ko oë opaete yemongeta ikavimbae vae reta: mboroyuka reta, yuvanga menda re vae, aguasa reta, monda reta, iyapu reve imiari japicha re vae, ikavimbae jei Tumpa kotɨ vae.

Nuevo Testamento Guaraní Pe

¹⁹ Echa pepɨa pe peñemongueta icavi mbae vae, peporoyuca, peñuvanga menda re, peyapo aguasa, pemonda, peapu iru vae reta re, icavi mbae vae pere iru vae reta cotɨ —jei—.

San Mateo 15:19 ပူးပေါင်းရင်းမြစ်များ

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

SALMOS 119:113

Amotareɨ, kuimbae jova mókoi vae reta, ërei aaɨu ndeporookuai.

PROVERBIOS 22:15

Arakuaambae oimeño mai kunumi ipɨa pe; ërei yembosɨmbi ñenupa reve vae ombosɨrɨta ko chugüi.

PROVERBIOS 24:9

Yarakuaambae iyemongeta ko, mbaeyoaño; oporoyóyai yóyai vae, ikaviä yae ko kuimbae reta pe.

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

PROVERBIOS 6:14

ipɨa ikavimbae kotɨño, oyemongeta oyapo avei vaerä ikavimbaeño jare oporomoñorarouka.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

NÚMEROS 22:29

Jayave Balaam jei mburika pe: —¡Anoi yave mona kɨsepuku chepo pe, royukata ko añave voi, reyuvanga cheré jeko pegua!

San Mateo 15:20

Kuae reta ko omongɨa pepɨa. Ërei pekaru yave peyepoembae reve, jókuae mbaetɨ ko omongɨa pepɨa.

San Mateo 5:28

Ërei che jae peve, kia nunga vae ipɨa pe iporopota reve omae yave kuña re, oyuvanga ma ko menda re ipɨa pe.

San Mateo 9:4

Ërei Jesús oikuaa jae reta iyemongeta ramo jei chupe reta: —¿Maera pa penoi pepɨa pe yemongeta reta ikavimbae?

Hechos 8:22

Eeya kuae ndeyemongeta ikavimbae, jare eyerure Tumpa pe. Güɨramoi iñɨ̈rota ndeve kuae ndepɨa pe reyemongeta vae re.

Romanos 7:18

Aikuaa mbaetɨ ko mbae ikavi vae anoi cheyé. Echa chekɨ̈reɨ tëi ayapo mbae ikavi vae, ërei mbaetɨ chepuere ayapo.