San Mateo 15:18 - Biblia Guarani Tumpa Iñee

¹⁸ Ërei ikavimbae vae pere vae, pepɨa güi ko oë, jókuae ko omongɨa pepɨa.

Nuevo Testamento Guaraní Pe

¹⁸ Erei pere vae omonguɨa pepɨa. Echa pere vae ou pepɨa güi —jei—.

San Mateo 15:18 ပူးပေါင်းရင်းမြစ်များ

SALMOS 36:3

Iyuru güi oë ñee jupimbae jare yembotavɨ pegua; oeya arakuaa katu jare mbaetɨ ma oyapo ikavi vae.

PROVERBIOS 10:32

Jupi vae iyuru güi oë ñee pöra; ërei iyoa vae reta iyuru ikɨa.

PROVERBIOS 15:2

Yarakuaa vae reta iñee, omopöra arakuaa; ërei yarakuaambae reta iñee, ikavimbae yae ko.

PROVERBIOS 15:28

Jupi vae, ipɨa pe oyemongeta kavi omboyevɨ vaerä ñee; ërei iyoa vae, jei ñee ikavimbae.

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

PROVERBIOS 6:12

Jeko kavimbae, jeko oikomegua vae jae ko añetembae re imiari avei vae;

San Mateo 12:34

Pe reta ko jae mboi reta rami. ¿Këraiägua pa pepuereta pemiari ñee ikavigüe, pepɨapochɨ yae reve? Echa ipɨa pe yemongeta güɨnoi vae ko omoë iyuru rupi.

San Mateo 15:11

Oipotagüe mbae peu vae mbaetɨ ko omongɨa pepɨa, ërei pepɨa güi ikavimbae pere vae ko, omongɨa pepɨa.

San Mateo 15:17

¿Mbaetɨ pa peikuaa oipotagüe mbae peu vae ojo ko perɨe pe, javoi pemombo ye ko vae?

San Marcos 7:20

Jare Jesús jei vi: —Jókuae pepɨa güi oë vae ko, omongɨa pepɨa.

San Lucas 19:22

Jayave iya jei jókuae jembiokuai pe: ‘Tembiokuai ikavimbae, neñee rupi ae rojäata. Nde reikuaa chepɨarai vae ko, che apɨ̈ro mbaembae ïru vae reta güi jare aarɨvo ïru vae reta oñotɨ vae.

1 SAMUEL 24:13

Ndechi reta iñee arakuaa pegua jei rami: ‘Jeko kavimbae reta güi oë mbae ikavimbae.’ Jayave che ngaraai amopüa chepo nderé.