San Mateo 15:14 - Biblia Guarani Tumpa Iñee

¹⁴ Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

Nuevo Testamento Guaraní Pe

¹⁴ Pemaeño jese reta. Echa jae reta jesa mbae vae reta oechauca ñogüɨnoi tape iru jesa mbae vae reta pe vae rami co. Jare jesa mbae vae oechauca yave tape iru jesa mbae vae pe, mócoi reve oasavita ɨvɨcua pe —jei.

San Mateo 15:14 ပူးပေါင်းရင်းမြစ်များ

ISAÍAS 31:3

Egiptoɨgua reta kuimbaeño ko, Tumpaä ko; ikavayu reta, kavayu tumpaä ko. Jayave yandeYa omopüa ipo oinupa reta vaerä yave, opata ko ñamɨri oporomborɨ vae jare oyemborɨuka vae vi, opaete voita omano reta.

ISAÍAS 42:19

Mbaetɨi kia jesaä jare iyapɨsaä mbatee cherembiokuai cheremimondo rami vae, mbaetɨi kia jesaä jare iyapɨsaä mbatee cherembiparavo cherembiokuai rami vae.

ISAÍAS 56:10

echa sundaro ɨvate güi omae vae reta, jesambae rami ñogüɨnoi, mbaetɨ etei mbae oikuaa ñogüɨnoi. Opaete jae reta yaɨmba iñarosembae rami ko, mbaetɨ ipuere oñaro reta; oke reteiño jare oaɨu yae reta jopeɨ.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

OSEAS 4:17

¡Efraín pegua reta itumpa-raanga pota yae! ¡Peeya!

MALAQUÍAS 2:8

Ërei pe sacerdote pepia cheremimbota güi; jeta vae pembojopa peporomboe pe; perokomegua morogüɨrökuavee päve Leví iñemuña reta güi. Jei yandeYa Imbaepuere yae ete vae.

San Lucas 6:39

Jayave Jesús jei chupe reta ombojaanga reve: “¿Metei jesambae vae ipuere pa oipoko ïru jesambae vae? ¿Ngaraa pa mókoi reve oa reta ɨvɨkua pe?

San Juan 9:39

Jayave Jesús jei: —Ayu ko ɨvɨ pe amboyao vaerä oyougüi ɨvɨ pegua reta. Ipuerembae omae vae reta omae vaerä, jare ipuere omae vae reta agüɨye vaerä oecha.

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

2 Pedro 2:17

Jókuae jupimbae vae oyapo vae reta ɨkua ɨmbae rami ko, amapɨtu ɨvɨtu tätagüe opa güɨraja vae rami ko; jókuae reta oäro güɨnoi pɨtumimbi yae vae jekuae avei pegua.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.