San Mateo 14:6 - Biblia Guarani Tumpa Iñee

⁶ Ërei Herodes iara iaño oupitɨ ye vae omboaretea pe, Herodías imemɨkuña ou opɨrae mbɨtea pe, jare omboyerovia yae Herodes.

Nuevo Testamento Guaraní Pe

⁶ Erei Herodes omboarete oaa yave, Herodías imembɨ cuña ou opɨrae arete iyapoa reta ipɨte pe jare omboyerovia Herodes.

San Mateo 14:6 ပူးပေါင်းရင်းမြစ်များ

GÉNESIS 40:20

Mboapɨa ara pe Faraón iara oväe, año oupitɨ ye vae, jare mburuvicha guasu oyapo arete opaete jembiokuai reta pe; jare omondo güɨnoeuka tembipɨɨrɨru güi oporoëɨ vae reta itenondegua jare mbɨyape iyapoa reta itenondegua, opaete vae jembiokuai reta jóvai.

ESTER 2:18

Javoi mburuvicha guasu oyapo arete guasu Ester pe, jare oparea opaete mburuvicha reta jare iyɨvɨrigua reta pe, jare tëta reta pe oyekovara mburuvicha peguarä vae ombogüeyɨ chupe reta, jare omee jeta mbota ipɨakatu rupi.

San Mateo 14:3

Echa Herodes yepe oipɨɨuka Juan, oipokuauka karena pe, jare oñoñauka tembipɨɨrɨru pe, Herodías jeko pegua. Echa Herodías jae ko Herodes tɨvɨ Felipe jembireko.

San Mateo 14:7

Jókuae jeko pegua Herodes oñererökuavee Tumpa jee re omee vaerä jókuae kuñatai pe oipotagüe mbae oiporu chupe vae.

San Mateo 22:24

—Oporomboe vae, Moisés jei. Kia omano yave imichiambae, tɨvɨ togüɨreko tɨkeɨ amɨri jembirekogüe, jare jókuae kuña imembɨ rupi, tɨkeɨ amɨri oime vaerä iñemuña.

San Marcos 6:14

Mburuvicha guasu Herodes oendu ma Jesús regua, echa jërakua yae opaete rupi, jare jei: —Juan oporombobautisase vae oikove ye omanogüe vae reta ipɨte güi. Jáeramo ko güɨnoi mbaepuere oyapo vaerä kuae mɨakañɨ reta.

San Marcos 6:17

Echa Herodes etei oipɨɨuka Juan, jare oipokuauka oñono karena pe tembipɨɨrɨru pe, Herodías oiporu ramo; echa Herodías jae ko tɨvɨ Felipe jembireko, ërei jae güɨreko.

San Marcos 6:19

Jáeramo Herodías oipïaro Juan, jare oipota tëi oyukauka, ërei ipuereä.

San Marcos 8:15

Jare Jesús oyókuai reta, jei: —Peyeandu fariseo reta jare herodiano reta imbɨyape imbovúa güi.

San Lucas 13:31

Jókuae ara yogüeru Jesús oïa pe amogüe fariseo reta, jare jei reta chupe: —Ekua kuae güi, echa Herodes oipota ndeyukauka.

San Lucas 23:11

Jayave Herodes jare isundaro reta oyuvanga jare oyóyai reta Jesús. Jayave omondeuka chupe temimonde ipöra vae. Javoi güɨrajauka ye Pilato pe.

San Lucas 23:7

Jare oikuaa mburuvicha guasu Herodes iɨvɨ pegua ko yave, omondo Herodes pe. Echa Herodes jókuae ara reta pe oime oï Jerusalén pe.

San Lucas 3:1

Tiberio César quince año ma oiko mburuvicha guasurä yave, Tumpa omomiari Juan. Juan jae ko Zacarías taɨ, jare oiko ñuu pe. Jókuae ara reta pe Poncio Pilato oiko Judea pegua reta juvicha guasurä, jare Herodes oiko Galilea pegua reta juvicha guasurä, jare Herodes tɨvɨ Felipe oiko ɨvɨ Iturea pegua reta jare ɨvɨ Traconite pegua reta juvicha guasurä, jare Lisanias oiko ɨvɨ Abilinia pegua reta juvicha guasurä. Jare sacerdote tenondegua eterä yogüɨreko Anás jare Caifás.

San Lucas 3:19

Jökorai vi Juan omboeta mburuvicha guasu Herodes pe Herodías jeko pegua. Echa Herodes güɨreko tɨvɨ Felipe jembireko Herodías jee vae. Jare jeta ïru mbaembae ikavimbae oyapogüe re.

San Lucas 8:3

Juana, Chuza jembireko. Chuza ko jae mburuvicha guasu Herodes jembiokuai; Susana jare jeta ïru kuña reta.

Hechos 12:1

Jókuae ara reta pe mburuvicha guasu Herodes oipɨɨuka amogüe oporogüɨrovia vae reta, oyapo vaerä ikavimbae vae chupe reta.

Hechos 4:27

Echa añetete ko, Herodes, Poncio Pilato, judiombae vae reta jare Israel pegua reta oyomboatɨ kuae tëta guasu pe ndeRaɨ iyoambae Jesús kotɨ. Jae ko nde reiparavo vae.