San Mateo 14:19 - Biblia Guarani Tumpa Iñee

¹⁹ Jayave Jesús oyókuai jókuae jeta vae reta oguapɨ vaerä kapiata re. Jayave oipɨɨ jókuae pandepo mbɨyape jare mókoi jevae ɨ rupigua, jare omae reve ara kotɨ omee yasoropai Tumpa pe jese. Jayave opɨ̈saa mbɨyape, jare omee jemimboe reta pe, jare jae reta omee vaerä jeta vae reta pe.

Nuevo Testamento Guaraní Pe

¹⁹ Jayave Jesús oyócuai jocuae jeta yae vae oguapɨ vaera capiata re. Jayave oipɨɨ jocuae cinco mbɨyape jare mócoi jevae ɨ rupigua, jare omae ara re, jare omee yasoropai Tumpa pe. Jayave opɨsae mbɨyape reta, jare omee jemimboe reta pe, jae reta omee vaera yatɨ vae reta pe.

San Mateo 14:19 ပူးပေါင်းရင်းမြစ်များ

San Mateo 14:18

Jesús jei chupe reta: —Peru cheve kuae pe.

San Marcos 6:39

Jayave Jesús oyókuai opaete vae yatɨ tee tee oguapɨ vaerä kapiiata re.

San Marcos 6:41

Javoi Jesús oipɨɨ jókuae pandepo mbɨyape jare mókoi pira, jare omae ara kotɨ, jare omee yasoropai Tumpa pe jese. Jayave opɨ̈saa mbɨyape, jare omee jemimboe reta pe, jae reta omee vaerä yatɨ tee tee ñogüɨnoi vae reta pe. Jesús opɨ̈saa vi omee jókuae mókoi pira opaete vae pe.

San Marcos 7:34

Jayave omae ara kotɨ, jare ipɨayekɨi reve jei: —¡Efata! (Kuae oipota jei: “¡Eyepea!”)

San Lucas 22:17

Jayave Jesús oipɨɨ kopa, jare omee yasoropai Tumpa pe jese, jare jei: —Peu kuae vino opaete pe reta.

San Lucas 22:19

Javoi Jesús oipɨɨ mbɨyape, jare omee yasoropai Tumpa pe jese. Jare opɨ̈saa mbɨyape omee chupe reta, jei reve: —Kuae ko jae cherete, oñemeeta peré vae. Peyapo kuae pemaendúa cheré vaerä.

San Lucas 24:30

Jare oguapɨ ma mesa pe okaru vaerä yave, Jesús oipɨɨ mbɨyape jare omee yasoropai jese Tumpa pe, opɨ̈saa jare omee chupe reta.

San Lucas 9:14

Echa kuimbae reta oupitɨ cinco mil rupi. Jayave Jesús jei jemimboe reta pe: —Pemboatɨ tee tee toguapɨ reta cincuenta rupi.

San Lucas 9:16

Jayave Jesús oipɨɨ jókuae pandepo mbɨyape jare mókoi jevae ɨ rupigua, jare omae reve ara kotɨ omee yasoropai Tumpa pe jese. Jayave opɨ̈saa mbɨyape jare jevae, jare omee jemimboe reta pe, jae reta omee vaerä opaete joko pe oguapɨ ñogüɨnoi vae reta pe.

San Juan 11:41

Jayave ombosɨrɨ reta ita tɨvɨa jöke güi. Jare Jesús omae ara kotɨ jare jei: —CheRu, amee yasoropai ndeve, nde reendu cheve vae re.

San Juan 6:23

Ërei ïru barco raɨ reta yogüeru oväe tëta guasu Tiberias güi, jókuae mbɨyape jou reta yandeYa omee yasoropai jese Tumpa pe güirea iyɨpɨ pe.

Hechos 27:35

Jare kuae jei güire, oipɨɨ mbɨyape, jare omee yasoropai Tumpa pe opaete vae jovake. Jayave opɨ̈saa mbɨyape jare jou.

Romanos 14:6

Jókuae omboete ara ïru ara reta güi vae, oyapo ko yandeYa peguarä. Jare opaete ara reta oyovakeño chupe vae, yandeYa peguarä vi ko oyapo. Opaete mbae jou jouiño vae, yandeYa omboete vaerä ko jou. Echa omee yasoropai Tumpa pe. Jaeramiño vi mbaetɨ mbae jou jouiño vae, yandeYa omboete vaerä vi ko mbaetɨ jou. Echa jae omee vi yasoropai Tumpa pe.

1 Corintios 10:16

Yasoropai ñamee vino yau vae re yave ¿ñaïä pa meteiño Cristo ndive jugüɨ re? Jaeramiño vi ñapɨ̈saa mbɨyape yave ¿ñaïä pa meteiño Cristo ndive jete re?

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

1 Corintios 11:24

jare Tumpa pe yasoropai omee jese güire, opɨ̈saa jare jei: “Peu. Kuae ko jae cherete peré omano vae. Peu kuae, pemaendúa reve cheré.”

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

1 SAMUEL 9:13

Peike yave tëta guasu pe, peeka voi ndei oyeupi mbove mbaemboete renda ɨvɨtɨ regua pe okaru. Jeta vae reta ngaraa okaru jae ndei ojo oväe mbove. Echa jae ko oyerureta mɨmba oyeyukagüe re, jare jókuae jaɨkue rupi ramo okaruta oyeparea chupe vae reta. Jáeramo añave jarembae voi pekua jare peväeta chupe.