San Mateo 13:54 - Biblia Guarani Tumpa Iñee

⁵⁴ Jare ojo oväe iɨvɨ pe yave, oporomboe judío reta itupao pe, jare oyeapɨsaka jese vae reta ipɨakañɨ jare jei: —¿Kia pe ra oväe kuae kuimbae iyarakuaa yae vaerä?, jare ¿mɨakañɨ reta oyapo vaerä?

Nuevo Testamento Guaraní Pe

⁵⁴ Jare ojo ovae yave iɨvɨ ae pe, oporomboe judío reta itupao pe, jare oyeapɨsaca jese vae reta ipɨacañɨ jare jei: —¿Quiape ra oñemboe cuae cuimbae iyaracuaa catu vaera? ¿Quia ra omee chupe mbaepuere cuae mɨacañɨ reta oyapo vaera?

San Mateo 13:54 ပူးပေါင်းရင်းမြစ်များ

SALMOS 22:22

Amoërakuata nderee cherëtara reta pe; ndembae vae reta oyemboatɨa pe romboeteta.

San Mateo 2:23

Jare José ojo oiko tëta Nazaret jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Mateo 7:28

Jare Jesús opa imiari kuaekuae yave, opaete jókuae oyeapɨsaka jese vae reta ipɨakañɨ iporomboe re.

San Lucas 2:47

Jare opaete oyeapɨsaka jese vae reta, ipɨakañɨ iyarakuaa katu re jare mbarandu omombeu vae re.

San Juan 1:11

Ou jëtaɨgua reta pɨri, ërei jëtaɨgua reta mbaetɨ omboresive.

Hechos 13:46

Jayave Pablo jare Bernabé imiari okɨɨyembae reve chupe reta. Jei reta: —Añete jaekavi ko romoërakua vaerä peve räri Tumpa iñee. Ërei peröɨro ma. Mbaetɨ ma peipota, jökorai peikuaauka oreve mbaetɨta penoi tekove opambae vae. Jáeramo añave romoërakuata judiombae vae reta pe.

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

1 SAMUEL 10:11

Jare opaete tenonde rupi oikuaa Saúl vae reta oecha omombeu Tumpa iñee, ñeemombeúa reta ndive yave, tëta pegua reta oparandu yoyavi oyoupe, jei reta: “¿Maratu ra oiko Cis taɨ? ¿Saúl vi yera Tumpa iñeemombeúa?”