San Mateo 13:39 - Biblia Guarani Tumpa Iñee

³⁹ Jókuae, ko iya jovaicho trigoraanga oñotɨ vae oyembojaanga aña guasu re. Mbaepoo oyembojaanga kuae ɨvɨ iyapɨta vae re. Ombaepoo vae reta oyembojaanga araɨgua reta re.

Nuevo Testamento Guaraní Pe

³⁹ Jocuae co iya jovaicho trigo-raanga oñotɨ vae oñemojaanga aña guasu re. Mbaarɨvo oñemojaanga cuae ara reta iyapɨ re. Ombaarɨvo vae reta oñemojaanga araɨgua reta re —jei—.

San Mateo 13:39 ပူးပေါင်းရင်းမြစ်များ

DANIEL 7:10

Jare tata oë jóvai güi ɨ osɨrɨ rami. Jeta yae oyeokuai chupe vae, jare jeta yeyé oyemboɨ ñogüɨnoi jóvai. Oporojäa vae oguapɨ, jare tembikuatía reta oyepea.

JOEL 3:13

Echa jae reta iyoa yae ko, peyasɨa trigo yagüɨyegüe rami, echa mbaarɨvo iara ma ko; peumbiri uva rami, echa jaekavi yae ma vino oyeapo vaerä.

San Mateo 12:32

Oipotagüe kia jei ikavimbae che Kuimbaerä ayeapo vae kotɨ vae pe, Tumpa iñɨ̈rota. Ërei oime yave kia jei ikavimbae yae Espíritu Santo kotɨ vae pe, Tumpa ngaraai iñɨ̈ro añave jare jekuae avei rupi.

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Mateo 13:25

Ërei kuimbae reta oke ramboeve, jovaicho ou oñotɨ trigoraanga trigo ipɨte rupi, jare ojo ye.

San Mateo 13:28

Jayave ko iya jei chupe reta: ‘Metei cherovaicho oyapo kuae.’ Jayave jembiokuai reta jei chupe: ¿Reipota pa rojo opa roapomondoro jókuae trigoraanga?

San Mateo 13:40

Jókuae trigoraanga oyemboatɨ jare ókai tata pe. Jökorai oasata kuae ɨvɨ iyapɨ pe.

San Mateo 13:49

Jökoraita oyeapo kuae ɨvɨ iyapɨ yave. Araɨgua reta yogüeruta jare ombosɨrɨta ikavimbae iyapoa reta jupi vae reta ipɨte güi.

San Mateo 24:3

Jesús oguapɨ oï ramboeve ɨvɨtɨ Olivo pe, jemimboe reta oyakatu jese jae retaño ñogüɨnoi yave: —Emombeu oreve, ¿kërai yave pa kuae oyeapota?, jare ¿këraita pa roikuaa reyu yeta ma vae regua jare kañɨtei regua?

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

1 Corintios 10:11

Tumpa oechauka yandeve kuae mbaembae oasa jae reta ndive vae. Jare oyekuatía oï yandemboarakuaa vaerä. Yande yaiko ara taɨkuegua pe vae reta pe.

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

Judas 1:14

Enoc jae ko chiu ñemuña pegua Adán güi vae, jae kuae reta re vi omoërakua, jei reve: “Mase, ko ou yandeYa jeta yae vae iaraɨgua reta ndive

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.