San Mateo 13:35 - Biblia Guarani Tumpa Iñee

³⁵ oyembopo vaerä ñeemombeúa jei vae. Echa jei körai: “Chemiarita ambojaanga reve. Amombeuta ɨvɨ oyeapo güive oyekuaambae vae.”

Nuevo Testamento Guaraní Pe

³⁵ oyeapo vaera Tumpa iñee aracae omombeu vae jeigüe vae. Echa jei corai: Chemiarita amojaanga reve. Amombeuta ɨvɨ oyeapo güive mbaeti oyecuaa vae. Jocorai jei.

San Mateo 13:35 ပူးပေါင်းရင်းမြစ်များ

SALMOS 49:4

Ayeapɨsakata ñee arakuaa katu pegua re; arpa ipu ndive jaeta, mbae yavai yae yaikuaa vae.

SALMOS 78:2

Chemiarita ñee arakuaa pegua; chemiarita mbae oñemi oiko arakae güive vae re.

ISAÍAS 42:9

Mase, kërai oyembopo opaete mbaembae amoërakua iyɨpɨ güive voi vae, jare añave amoërakua ye mbae ipɨau vae, amombeu peve ndei oyekuaa mbove.”

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

San Mateo 13:14

Jökorai oyembopo jese reta ñeemombeúa Isaías jei vae. Echa jei körai: ‘Peendu tëita, ërei ngaraa peikuaa. Peecha tëita, ërei ngaraa peecha kavi.

San Mateo 13:3

Jare Jesús omboe reta jeta mbaembae re ombojaanga reve. Jei chupe reta: “Metei kuimbae omaetɨ vae, oë omaetɨ.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 5:2

Jayave Jesús omboɨpɨ omboe reta körai:

San Lucas 10:14

Ërei Tumpa oporojäa yave, pe Corazín jare Betsaida peiporara yaeta Tiro jare Sidón oiporara vae güi.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

Hechos 15:18

Che peYa aikuaauka kuae arakae güive vae, jae körai.”

1 Corintios 2:7

Ërei oremiari ko Tumpa iyarakuaa yaikuaa rapembae vae, arakuaa oñemi vae; kuae ko Tumpa ombosɨrɨ ndei ɨvɨ oyeapo mbove, yayemboeteuka vaerä.

Efesios 3:5

jókuae tenonde yave rupi mbaetɨ kuimbae reta oikuaa vae, ërei añave Tumpa oikuaauka temimondo oñono tee iyeupeguarä vae reta pe jare iñeemombeúa reta pe Espíritu rupi.

Efesios 3:9

jare aikuaauka vaerä opaete pe oyekuaambae iyɨpɨ güive Tumpa re vae, jae ko opaete mbaembae iyapoa.

Hebreos 1:1

Arakae rupi Tumpa jeta imiari ñaneñemuñagüe reta pe iñeemombeúa reta rupi güire.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.