San Mateo 13:24 - Biblia Guarani Tumpa Iñee

²⁴ Jesús imiari ye ombojaanga reve, jei: “Araɨgua mborookuaía, metei kuimbae temitɨ ikavi vae iko pe oñotɨ vae rami ko.

Nuevo Testamento Guaraní Pe

²⁴ Jesús imiari ye yatɨ vae reta pe omojaanga reve. Jei chupe reta: —Mboroocuaia ara pegua metei cuimbae temitɨ icavi vae ico pe oñotɨ vae rami co.

San Mateo 13:24 ပူးပေါင်းရင်းမြစ်များ

ISAÍAS 28:10

jókuae michia reta jaeramo etei oyemboe: a, e, i, o, u jei vae re ñogüɨnoi vae rami?”

ISAÍAS 28:13

Jáeramo, yandeYa omomiarita michia raɨ rami, jaeramo etei oyemboe a, e, i, o, u jei vae re ñogüɨnoi rami. Jae reta oguatata, ërei oyatuaka retata, oñemopë retata, mbaetɨta ipuere omɨi, oa retata tembipɨɨrä.

EZEQUIEL 17:2

“Nde kuimbae, eyapo Israel iñemuña reta pe metei yembojaanga.

San Mateo 13:19

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

San Mateo 13:25

Ërei kuimbae reta oke ramboeve, jovaicho ou oñotɨ trigoraanga trigo ipɨte rupi, jare ojo ye.

San Mateo 13:31

Jesús jekuae imiari ye ombojaanga reve, jei: “Araɨgua mborookuaía, metei mostaza jäɨgüe kuimbae güɨraja oñotɨ iko pe vae rami ko.

San Mateo 13:33

Jesús jekuae imiari ye ombojaanga reve. Jei: “Araɨgua mborookuaía, mbɨyape imbovúa rami ko. Kuña omboyea jókuae mbɨyape imbovúa veinte kilo trigokúi ndive yave, opaetei ombovu vae rami ko.”

San Mateo 13:37

Jayave Jesús jei chupe reta: “Temitɨ ikavi vae oñotɨ vae, oyembojaanga che Kuimbaerä ayeapo vae re.

San Mateo 13:47

Araɨgua mborookuaía, metei pɨsa rami ko. Echa kuimbae reta omombo ipɨsa ɨguasu pe yave, omboa oipotagüe jevae ɨ rupigua.

San Mateo 18:23

“Echa araɨgua mborookuaía, metei mburuvicha guasu jembiokuai reta pe, ipía re oipota okovara vae rami ko.

San Mateo 20:1

“Echa araɨgua mborookuaía metei ko iya ndeimboveasɨ oë oeka oparavɨkɨ vae reta, iuvarupa pe omombaravɨkɨ vaerä vae rami ko.

San Mateo 21:33

“Tamombeu ye peve ambojaanga reve kuae: Oiko metei kuimbae ikorä oikëse vae. Oñotɨ pɨpe jeta uva. Oyapo vi uva oñetɨami pɨpe vaerä. Oyapo vi metei oɨvate omae vaerä joko güi opaete ko re. Javoi oiporuuka iko ïru vae reta pe, jare ojo mombɨrɨ.

San Mateo 22:2

“Araɨgua mborookuaía metei mburuvicha guasu taɨ omendata oï vae rami ko.

San Mateo 25:1

Araɨgua mborookuaía, payandepo kuñatai ndei kuimbae ndive oasa vae reta imechero reve reve yogüɨraja oövaiti kuimbae omendata vae rami ko.

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Lucas 13:18

Jesús jei: “¿Mbae ra yambojaangata Tumpa iporookuaía re? ¿Mbae re ra ambojaangata?

San Lucas 13:20

Jare jei ye chupe reta: “¿Mbae re ra ambojaangata Tumpa iporookuaía?

Colosenses 1:5

peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave.

1 Pedro 1:23

Echa penoi ma tekove ipɨau vae, kuae nunga tekove mbaetɨ ou peru jare pesɨ güi. Penoi ko kuae tekove ipɨau vae Tumpa oikove jare iñee oiko jekuae avei vae rupi.