San Mateo 13:19 - Biblia Guarani Tumpa Iñee

¹⁹ Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

Nuevo Testamento Guaraní Pe

¹⁹ Oime yave quia oyeapɨsaca Tumpa iporoocuaia re vae, mbaeti yave oicuaa cavi oendu vae, ou voi jocuae icavi mbae vae jare omoacañɨ Tumpa iñee güi. Amojaanga cuae nunga re temitɨ tape rupi oa vae —jei—.

San Mateo 13:19 ပူးပေါင်းရင်းမြစ်များ

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

PROVERBIOS 17:16

¿Mbaerä pa yarakuaambae oguata arakuaa, mbaetɨ etei reve iyarakuaa?

EZEQUIEL 31:18

Metei ave ɨvɨra reta Edén pegua mbaetɨ ipuere oyemboyovake jae ndive, ipöra vae pe jare ɨvate vae pe; ërei ngatu ɨvɨra reta Edén pegua ndive oyeitɨukata ɨvɨgüɨ pe, Tumpa re güɨroviambae reta jare ñeraro pe omanogüe vae reta pɨri. ‘Jókuae ɨvɨra jae ko Faraón jare opaete jëtaɨgua reta. Che peYa Tumpa jae kuae.’ ”

San Mateo 12:26

Satanás ombosɨrɨ yave, Satanás oya jese vae reta güi, jaeiño ko oyemboyao oï. ¿Këraita pa oiko avei jayave iporookuaía?

San Mateo 13:20

Jökoraiño vi jókuae temitɨ oñeotɨ itatɨ rupi vae oyembojaanga jókuae Tumpa iñee oendu vae re. Jupiveiño omboresive oyerovia reve.

San Mateo 13:38

Jókuae, ko, oyembojaanga opaete ɨvɨ re. Trigo ikavi vae oyembojaanga Tumpa iporookuaía pegua reta re. Ërei trigoraanga oyembojaanga ikavimbae vae oyapo vae reta re.

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Mateo 5:37

Ërei rere yave: ‘Ayapota’, eyapo. Ani rere yave: ‘Ngaraa ayapo’, agüɨye eyapo. Echa remboasa ete kuae güi rere yave, reyapota ikavimbae vae.

San Marcos 4:15

Temitɨ tape rupi oa vae oyembojaanga ñee ikavi vae oendu vae reta re. Ërei oendu reta güire, jupiveiño Satanás ou opa oekɨ ipɨa güi.

San Lucas 10:9

Pembogüera imbaerasɨ vae joko pe oime yave. Jare pere chupe reta: ‘Tumpa iporookuaía ou ma oväe peve.’

San Lucas 9:2

Jayave omondo reta omombeu vaerä Tumpa iporookuaía jare ombogüera vaerä imbaerasɨ vae reta.

San Juan 18:38

Jayave Pilato oparandu chupe: —¿Mbae pa jókuae añete vae? Jare kuae jei ma yave, Pilato oë ye judío reta jóvai jare jei chupe reta: —Mbaetɨ etei aväe teko jese.

San Juan 8:43

¿Maera pa mbaetɨ peikuaa amombeu peve vae? Echa mbaetɨ peipota peyeapɨsaka cheñee re. Jáeramo mbaetɨ peikuaa.

Hechos 17:32

Jare oendu reta oikove ye omanogüe reta ipɨte güi vae regua yave, amogüe vae oyóyai. Ërei ïru vae reta jei Pablo pe: —Ïru ara royeapɨsaka yeta nderé kuae re.

Hechos 18:15

Ërei ajäa vaerä ñee reta, tee reta re ani mborookuai penoi vae re yave, pe reta etei pepuere pejäa. Echa che mbaetɨ aipota ajäa kuae nunga.

Hechos 20:25

Jare añave aikuaa katu opaete pe reta, amoërakua peve Tumpa iporookuaía regua vae reta, ngaraa ma chereecha ye.

Hechos 28:23

Jayave jei reta Pablo pe mbae ara pe yogüeruta vae. Jayave jókuae ara jeta vae yogüeru Pablo oïa pe. Jare ndeimbove güive Pablo ikaaru omombeu chupe reta Tumpa iporookuaía regua. Jare Moisés iporookuai rupi jare ñeemombeúa reta oikuatiagüe rupi, güɨroviauka chupe reta Jesús regua.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 2:8

ërei oiporaraukata iyarasɨ yae reve ipɨapochɨ vae reta pe, mbaetɨ oipota reta oyapo añete vae. Ikavimbae vaeño oyapo reta vae pe;

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

2 Tesalonicenses 2:12

jökorai opa vaerä okañɨtei opaete mbaetɨ güɨrovia añete vae re ramo, jaeño oyembovɨa reta jupimbae re.

Hebreos 2:1

Jáeramo, ikavi ko ñaneräta ngatu yae vaerä yaendugüe re, agüɨye vaerä yapia chugüi.

1 Juan 3:12

Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.