San Mateo 12:41 - Biblia Guarani Tumpa Iñee

⁴¹ Tumpa oporojäa yave, Nínive pegua reta opüata omboeko vaerä añave yogüɨreko vae reta. Echa jae reta oeya iyemongeta ikavimbae vae ipɨa pe güɨnoi vae, Jonás omoërakua Tumpa iñee chupe reta yave. Ërei, ko oï tuichagüe yae Jonás güi vae.

Nuevo Testamento Guaraní Pe

⁴¹ Tumpa oporojaa yave, Nínive pegua reta opuata omboeco vaera añave yogüɨreco vae reta. Echa jae reta oeya iñemongueta icavi mbae vae ipɨa pe oi vae, Jonás omombeu chupe reta yave Tumpa iñee. Erei chembaepuere tuicha yae co Jonás imbaepuere güi —jei—.

San Mateo 12:41 ပူးပေါင်းရင်းမြစ်များ

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

JEREMÍAS 3:11

YandeYa jei cheve: “Ipɨapochɨ vae Israel mbaetɨ jeko ete mbatee jupimbae vae Judá güi.

JONÁS 1:2

“Epüa, ekua tëta guasu Nínive pe, jare emoërakua chupe opata amboai vae, echa iyoa jeiete yae ma cheróvai.”

JONÁS 3:4

Jonás omboɨpɨ oike tëta guasu rupi, tenondegua ara pe omboɨpɨ oñemoñee, jei körai: “¡Mase, kuae güi cuarenta araa pe Nínive okañɨteita!”

San Mateo 12:39

Jayave Jesús jei chupe reta: —Ikavimbae iyapoa reta oiporu mɨakañɨ. Ërei mbaetɨta oyeapo chupe reta, jaeño ñeemombeúa Jonás ndive oasa vae.

San Mateo 12:42

Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave yogüɨreko vae reta. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón güi vae.

San Mateo 12:45

Jayave jókuae aña ojo güeru jupíe, chiu aña ikavimbae yae chugüi vae reta jókuae o pe. Jare oike reta yogüɨreko pɨpe. Jare jókuae kuimbae ikaviä yae tenonde yave oiko vae güi. Jökoraita vi oasa kuae ikavimbae iyapoa reta ndive.”

San Mateo 12:6

Ërei che jae peve, jókuae tupao güi tuichagüe yae vae ko oï kuae pe.

San Mateo 16:4

Ikavimbae iyapoa reta oiporu mɨakañɨ. Ërei mbaetɨta oyeapo chupe reta, jaeño ñeemombeúa Jonás ndive oasa vae.” Jayave Jesús ojo ye chugüi reta.

San Mateo 17:17

Jayave Jesús jei: —Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Mateo 23:36

Añete che jae peve, opaete jókuae reta imano re, pe reta opaete peiporarata.

San Lucas 11:32

Tumpa oporojäa yave, Nínive pegua reta opüata omboeko vaerä añave yogüɨreko vae reta. Echa jae reta oeya iyemongeta ikavimbae vae ipɨa pe güɨnoi vae, Jonás omoërakua Tumpa iñee chupe reta yave. Ërei, ko oï tuichagüe yae Jonás güi vae.

San Juan 3:31

Ara güi ou vae güɨnoi mbaepuere opaete re; ɨvɨ pegua reta ɨvɨ peguaño ko jare oyemongeta mbaembae ɨvɨ pe oï vae reño. Ara güi ou vae güɨnoi mbaepuere opaete re.

San Juan 4:12

¿Tuichagüe yae pa nde oreñemuñagüe Jacob güi? Echa Jacob oeya oreve kuae ɨkua. Jae jare taɨ reta jare jɨmba reta oɨu kuae güi.

Romanos 2:27

Jare oyembocircuncidambae jete pe vae, oyapo mborookuai jei vae yave, ndemboekota ko. Echa nde reyapoä mborookuai jei vae, renoi tëi reve mborookuai oyekuatía oï vae ani reyembocircuncidauka.

Hebreos 11:7

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.