San Mateo 12:32 - Biblia Guarani Tumpa Iñee

³² Oipotagüe kia jei ikavimbae che Kuimbaerä ayeapo vae kotɨ vae pe, Tumpa iñɨ̈rota. Ërei oime yave kia jei ikavimbae yae Espíritu Santo kotɨ vae pe, Tumpa ngaraai iñɨ̈ro añave jare jekuae avei rupi.

Nuevo Testamento Guaraní Pe

³² Jare oime yave quia jei icavi mbae vae che cuimbaera ayeapo vae cotɨ vae, Tumpa ipuere iñɨro chupe. Erei oime yave quia jei icavi mbae vae Espíritu Santo cotɨ vae, Tumpa ngaraa etei iñɨro chupe, añave jare ara reta outa vae pe —jei—.

San Mateo 12:32 ပူးပေါင်းရင်းမြစ်များ

JOB 36:13

Iyoa vae reta iyarasɨ yae, yepe tëi tembipɨɨrɨru pe ñogüɨnoi, mbaetɨ ave oiporu reta yemborɨ.

San Mateo 11:19

Che Kuimbaerä ayeapo vae ayu, jare che akaru jare jau vino. Jare jei reta chekotɨ körai: ‘Mase, jae ikaru yae jare jou vino. Jae ko mburuvicha peguarä okovara vae reta jare ikavimbae iyapoa reta ivɨa-ïru.’ Ërei Tumpa iyarakuaa oyekuaa opaete oyeapogüe rupi.”

San Mateo 12:31

Jáeramo che jae peve, opaete ɨvɨ pegua reta iyoa reta jare opaete iñee ikavimbae Tumpa kotɨ vae pe, jae iñɨ̈rota. Ërei ñee ikavimbae jei Espíritu Santo kotɨ vae pe, Tumpa ngaraa iñɨ̈ro.

San Mateo 12:8

Echa che Kuimbaerä ayeapo vae, anoi ko mbaepuere ara mbutuu re.

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Mateo 13:39

Jókuae, ko iya jovaicho trigoraanga oñotɨ vae oyembojaanga aña guasu re. Mbaepoo oyembojaanga kuae ɨvɨ iyapɨta vae re. Ombaepoo vae reta oyembojaanga araɨgua reta re.

San Mateo 13:40

Jókuae trigoraanga oyemboatɨ jare ókai tata pe. Jökorai oasata kuae ɨvɨ iyapɨ pe.

San Mateo 13:55

Jae ko ɨvɨra pegua mbaravɨkɨ iyapoa taɨ. Ichɨ jae ko María. Jare Jacobo, José, Simón jare Judas jae ko tɨvɨ reta.

San Mateo 8:20

Jesús jei chupe: —Aguara reta oime ikua, jare güɨra reta oime jaitɨ. Ërei che Kuimbaerä ayeapo vae mbaetɨ anoi kia pe aputuu vaerä ave.

San Marcos 10:30

cien rupi jekoviata ko chupe ɨvɨ pe oiko ramboeve. Jekoviata jo reta, tɨkeɨ reta, tɨvɨ reta, jeindɨ reta, tɨke ani ipɨkɨɨ ani ikɨvɨ, ichɨ reta, imichia reta, iɨvɨ reta jare ikavimbae reta vi. Ërei taɨkue rupi Tumpa omeeta chupe tekove opambae vae.

San Marcos 3:28

Añete che jae peve, Tumpa iñɨ̈rota opaete ɨvɨ pegua reta iyoa re jare opaete jei ikavimbae yae Tumpa kotɨ vae re.

San Marcos 3:29

Ërei Tumpa ngaraa etei iñɨ̈ro jei ikavimbae yae Espíritu Santo kotɨ vae pe. Oyemboekota jekuae avei pegua.

San Lucas 12:10

Jare oime yave kia jei ikavimbae vae che Kuimbaerä ayeapo vae kotɨ vae pe, Tumpa iñɨ̈rota. Ërei oime yave kia jei ikavimbae vae Espíritu Santo kotɨ vae pe, Tumpa ngaraa etei iñɨ̈ro.

San Lucas 16:8

Jare kuimbae oikokatu vae omboete imbaembae iyangarekoa ñarakuaa vae, ipoki reve oyapo iyeupe vae re. Echa kuae ɨvɨ pegua reta oikatu yae ko iyeupe ïru ndive Tumpa pe oyeokuai vae reta güi.

San Lucas 18:30

jeta yaeta ko jekovia chupe ɨvɨ pe oiko ramboeve, jare taɨkue rupi Tumpa omeeta chupe tekove opambae vae.

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Lucas 7:34

Che Kuimbaerä ayeapo vae ayu, jare che akaru jare jau vino. Jare pere: ‘Mase, jae ikaru yae jare ikause. Jae ko mburuvicha peguarä okovara vae reta jare iyoa vae reta ivɨa-ïru.’

San Juan 7:12

Jare joko pe ñogüɨnoi vae reta oyoaka oyoupii Jesús re. Amogüe vae reta jei: “Kuimbae jeko kavi vae ko jae.” Ërei ïru vae reta jei: “Mbaetɨ ko. Oporombotavɨ vae ko.”

San Juan 7:39

Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka ramo.

San Juan 7:52

Ïru reta jei chupe: —¿Nde jae vi pa Galileaɨgua? Emongeta kavi Tembikuatía, jare eecha mbaetɨi ko metei ave ñeemombeúa oë Galilea güi vae.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Efesios 1:21

güɨnoi vaerä mbaepuere opaete mburuvicha reta ara pegua, ɨvɨ pegua jare oipotagüe mbaepuere güɨnoi vae re, jare opaete tuichagüe yae vae reta, añave pegua reta jare oikota vae reta re;

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

1 Timoteo 1:15

Kuae ko jae ñee añete vae jare jupi ko opaete vae güɨrovia vaerä: Kërai Cristo Jesús ou kuae ɨvɨ pe omboasa vaerä iyoa vae reta, jare che ko jae iyoa vae reta güi iyoa yae ye vae.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

2 Timoteo 4:10

echa Demas chereeya ma ojo Tesalónica kotɨ, oaɨu ramo mbaembae kuae ɨvɨ pegua. Crescente ojo Galacia kotɨ, jare Tito ojo Dalmacia kotɨ.

Tito 2:12

Tumpa ipɨakavi yandemboe yaeya vaerä mbaeyoa reta jare soo jemimbota ɨvɨ pegua, jare yaiko yaikuaa kavi reve, jupi rupi, yamboete reve Tumpa,

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.